廟街香辣蟹

營業中

休息中

擒晚去尖東行街，行行下唔覺意地行到油麻地廟街，於是就在附近食飯。見廟街"香辣蟹"呢間店咁多人幫襯，大排檔咁，就想試下，點知就食到咁一肚氣。先係連茶都無杯，再到點餐時個女侍應黑口黑面，等食時見到附近兩枱人客等到唔耐煩，侍應又接二連三上錯菜，客人投訴，個侍應仲惡過人。諗住算啦，食物好食就OK 啦，點知又係大失所望。幾隻椒鹽瀨尿蝦細隻到連肉都無，要成九十蚊，炒蜆又唔夠鑊氣，一Ｄ都唔惹味。醬油豆豉雞煲竟然唔熱，就咁俾佢昆左差唔二百六蚊。唔怪得大多數係遊客，本地香港人點會好似我咁去食，一次中招，已經列入黑名單。服務惡劣最可惡，食物更加唔得，份量少又唔熱。Ｄ遊客來香港食，以為呢Ｄ就係香港風味.....