麥奀雲吞麵世家 (白加士街) (已搬遷) 新店位置

好幾年前, 曾經响中環試過呢間雲吞麵, 以性價比論, 雖然價錢偏貴, 但味道果真不俗, 前晚去接心愛嘅人放工後, 响佐敦行行吓見到呢度有, 咪走入去重溫啲味道。豬手麵豬手唔韌唔淋, 口感尚可, 但味淡, 嘴叼嘅女友就話無隔離間麥x記咁好食, 但啲麵還可以, 彈牙得嚟有蛋香.雲吞麵嗰麵碌得耐咗DD, 但可以接受, 女友試咗粒雲吞後又係嗰句, 佢仲話唔怪得之隔離嗰間多人食啲.雖然味道唔太差, 湯底亦算得, 但真係有其他更好嘅選擇, 不過一試亦無妨, 食完你可能都會有一份廬山煙雨浙江潮嘅感覺