稻香超級漁港 (已結業)

話就一班舊同事相約打邊爐,見係星期三,大家就決定去旺角稻香...因為應該冇咩人...返工時睇OpenRice既Comment,知道九點後特價時段應該會好多人等,所以我地都準時九點到達稻香...可能星期三既關係,我地一行九人,只係等左十分鐘多,就已經有位...一坐低就即刻揀左青斑+鴛鴦湯底,之後就見到張MENU,有手切肥牛同美國肥牛,兩樣都揀左,之後白鱔片,魚皮,一堆餃類,丸類...餃類丸類,貢丸最好,好大粒,好爽口...白鱔片,差勁...件件都有骨,搞到我Second Order都唔想嗌了...反而青斑真係唔錯,雖然切成一小塊一小塊,但係無骨,而且好滑,值得一試!!至於湯底,沙嗲湯底太杰了,經常要加水...肥牛方面,其實兩者個人認為分別並唔算太大,係上檯時,手切肥牛,係放得比較靚同溶晒雪,至於美國肥牛就仲有d雪係個碟度,同埋有時會痴住左...汽水五蚊一罐...對我黎講,係旺角食任食打邊爐,不如食逐碟嗌既仲好,因為其實差唔多價錢o者...