海潮食堂

營業中

休息中

工廈林立嘅觀塘區內其實唔少食堂都可以搵到性價比相當高嘅美味；由其係下午茶。今次專誠嚟呢間海潮食堂除咗唔少媒體都有報導過之外更有飯友介紹。雖知道蔥花蛋三文治甚有名氣，不過蔥花非我所好；落單姐姐極力推介魔鬼奶油多，可惜午餐都未落晒格，結果叫咗 超薄奶油多。超薄多士上除煉奶外撒上大量阿華田粉，雖然多士上撒阿華田粉的確唔係常見手法，入口第一啖心諗”係咁咋”；接第二啖先知薄薄多士中間仲有牛油加朱古力醬，原來咁薄嘅多士入面仲有餡，真係好好心機，而且份量味道控制相當到位；雖然店面細細，功夫加心機真係難怪有各大小媒體報導依間上廿年歷史嘅工厦食堂。