金燕廚坊 (已結業)

之前都試過同爹地媽咪落黎食晚飯，感覺不太良好，因為覺得份量好似少左啲，同埋服務真係麻麻。所以一直都再未有去食。　但今日因為屋企冇人煮飯，又唔想出去食，近近地又想快啲食飯，就去左金燕買外賣兩餸飯。比完錢，外賣既姐姐已經準備好我叫餸。點了茄子肉鬆同肉餅，可能因為落去嗰陣都差不多九點，阿姐一羹又一羹把全部既茄子比左我，肉餅比左兩大舊我，幾乎係迫爆個飯盒。仲有一包野飲。 至於味道方面，我覺得個茄子幾好伴飯，但油左少少，見到一層油喺面；而對肉餅既味同口感無特別感覺。呢盒外賣不單係我既是日晚餐，仲成為左我明日既午餐。只為填飽個肚，廿蚊真係唔可以要求太多。我到呢間野既感覺係－堂食不如外賣。我諗下次屋企又冇人煮飯，又唔想自己煮既時候，我都會幫襯既。