均香餅家

營業中

休息中

開心果熱潮仲未減退，早前荃灣某粉麵廠推出開心果糯米糍之後人龍一直未有減退過，不過要排隊嘅我多數都唔參與，太浪費時間----------最近喺網上得知深水埗均香餅家都跟「豐」推出開心果糯米糍，拜托住附近嘅朋友幫我買，到第二朝先食，有出油偏濕情況，但食落都仲係唔錯----------佢個皮唔係好薄嘅一種，有一定厚度，反而係我鍾意嘅，因為糯米皮太薄反而冇咩口感；個皮唔係超軟熟同綿，反而係偏實淨同挺身，食落幾煙韌仲有拉絲效果；開心果除左裡面之外，仲有層鋪面，夠哂足料，開心果香比預期濃郁，食到粒粒香脆開心果碎，有驚喜！如果可以減甜嘅我會更鍾意，但係整體都係好滿意，12蚊粒值得試，重點係暫時仲未要排隊，加分！