開心小敘

營業中

休息中

由中學時期已經聽過嘅開心小敘，喺安興街呢邊已經開咗另外一間分店啦。每次經過嘅時候總有好多人喺度排隊，所以今次選擇咗外賣返公司食。餐單選擇有好多，可以自由配搭。最後都係想試返開心豬扒飯。有一個小插曲，仲記得中學時叫喱一間餐廳都會將佢改名做開心豬扒飯，而忘記咗原來佢係叫開心小敘。好，入返正題先，重點係佢個豉油汁，配上半生熟蛋，同埋豬扒，簡直係完美嘅搭配。咁耐冇食，果然佢嘅水準仲保持到。豬扒係一大塊連骨嘅，會幫你剪開做一屆届，方便食用。汁嘅份量都好充足，唔會得啲白飯。最重要嘅主角豬扒口感啱啱好，唔會太淋唔會太硬。因為我本人好怕食一啲好哽或者好淋嘅豬扒。因此如果你係豬扒愛好者，推介你一定要嚟試一試呢一間餐廳。