開心小敘

營業中

休息中

開心小聚最出名開心豬扒蛋飯，配豉油汁就好好味！ 煎蛋夠脆邊！仲有洋蔥、黑椒汁可以揀。豬扒飯份量夠，大人食都夠飽😄 有時唔想食飯，可以揀食粉麵或者多士。最近試左食司華力腸配烏冬，腸煎得好香

碟飯應該喺雪櫃拎出嚟冇耐，成碟都凍嘅，啲蛋係最平價嘅蛋，一啲蛋味都冇，唔使錢都唔會嚟同個男人講話啲飯凍嘅叫佢自己摸吓，死都唔伸隻手去摸，話換過碟俾我，我都唔敢食啦，渣渣淋走人，多謝晒我老公嗰碟就應該有少少溫度嘅，我嗰碟真係完全係凍嘅飯，豬扒就未食到就已經走人嚕我覺得杯奶茶就唔錯嘅

星期二中午時間，餐廳坐滿晒食客，需要等位，不過大約5分鐘就有位。喺元朗，開心小敘已經有三間分店，佢嘅豬扒飯比較出名，今日試下 時菜豬扒飯🥬🐖🍚，配熱檸水🍋（$57）。見到好多食客都食招牌開心豬扒飯～🐖🍳🍳🍚 食客都可以按自己喜好，選擇唔同食材嘅配搭～🐖🍚豬扒飯好大碟，飯好多～ 枱上有豉油汁，可以自己按需要加。豬扒大塊，預先剪好一條條，方便食，好細心。豬扒煎得香口，肉質軟熟，有肉汁，唔會太乾身，夠入味，加埋豉油汁就會偏鹹少少，豬扒好食，但未去到好驚艷。時菜份量都好多，每條🥬菜都沾滿油，菜新鮮的。店員都好快手，同主動幫你落單，執拾枱面。由於座位比較狹窄，有少少擠迫，適合中午食個快餐。

今日lunch time 路過安興街呢間開心小敍，上openrice search 原來元朗有成3間分店，大部分人都係推介佢個豬扒飯，咁我就入去試下啦😁- 開心豬扒飯（$56 計埋凍飲）首先嗌既時候我叫左多飯多汁，豬扒下面遮住啲飯，都算多既，豬扒睇落好似好薄，不過其實都幾大塊，被雞蛋遮住左，一層遮一層😝雞蛋仲要係雙太陽蛋😍正👍豬扒係偏腍唔鞋，內裡仲嫩滑多汁。配上熱騰騰既白飯，吸收左豬扒既汁既米飯更加濕潤，帶有微微的鹹香味👍

這間位於元朗嘅食店，在元朗有三間分店，開了超過10年以上，他們的開心豬扒蛋🐣飯，豬扒🐷鬆軟，配上豉油汁，味道真是一絕，有時真想知道他們的豬扒是怎樣整出來，會有這樣好味😋的豬扒蛋飯。呢個午餐加上我至愛嘅凍檸茶，真是我午餐嘅首選，但唯一嘅問題就是，他們的座位好迫，真是食個快飯就要走了。😂

煎雙蛋雞扒飯雞扒煎得恰到好處，外脆內嫩，因為試過好多間茶記既雞都係太干身，依到就好Juicy，而且份量十足。雙蛋煎得剛好，蛋黃微微流動，好正。飯粒也很香，CP值極高。下次再來一定翻桌。

平時lunch time行過想堂食都無位，要打電話叫外賣先有機會食到，不過其實堂食坐得唔舒服，晏晝真係會多人到膊頭掂膊頭咁坐，所以都係買返公司食啦😆 每次都係食豬扒腸仔飯配咖喱汁，豬扒煎得好香口，唔會乾又唔會太肥，咖喱汁係屬於微微辣個種，唔食得辣嘅人應該都食到🤔 白飯偏濕，再加埋大量嘅咖喱汁有少少濕得滯🤏🏻 如果個飯可以煮返乾身少少就更加好感覺上外賣比堂食嘅份量更加多，成個飯盒塞到滿晒，細食嘅記得嗌少飯🍚

元朗有好多地方嘅豬扒都好好食！開心小敘係其中一個！雖然係lunch hour，但係因為出菜嘅速度好快，所以人流都去得好快，唔使等好耐就可以入去食～ 嗌咗開心豬扒飯，有隻好大嘅流心蛋！蛋黃好流心，蛋白半熟得嚟又唔會生，啱啱好！！加埋啲豉油，好惹味！重點係個豬扒！佢係連骨咁煎，好香，唔乾唔硬，帶點點肥膏，調味又唔會好鹹，又香又好食！！！！價錢又唔貴，食完好有幸福感～同埋見到侍應同街坊嘅關係好好，見到有好多熟客都會嚟食，成個氣氛都好好！

今日一早起身開機洗衫，做下家務，不經不覺就到咗下午1點幾，用外賣平台竟然揾到開心小敘，好耐無食過佢地的豬扒，即時同家人揀咗食物及飲品。星期日等待送餐時間大約25分鐘。除咗招牌豬扒外，我都試過佢地的雞扒。家人叫咗豬扒紅腸米粉，開心小敘一貫做法，豬扒及紅腸的份量都滿意，湯同粉分開裝。豬扒夠入味，口感亦Ok。跟餐的熱朱古力唔會太淡。我叫咗豬扒反蛋飯配豉油汁，豬扒同樣美味而且唔會乾身，我較鍾意熟小小所以叫反蛋，配豉油汁又唔會太咸。杯凍奶茶走甜有啲驚喜，雖然唔係話超高水平，但一向鍾情凍奶茶的我認為都已經係唔錯！

上左菜 一直都無攞餐具過嚟，叫咗好多次都無攞。最後要自己去攞。水又無杯，又係叫嚟叫去都無，最後搞到自己去攞。一d服務都無。離譜。叫方包走油，上嚟照有油。講咗幾日都係咁。

平時食開豬扒飯配太陽蛋，已經好滿足。今次試新0野，0黎個「鮮牛豬扒飯」豉油汁。鮮牛好入味、嫩滑、無渣、無根、加上煎香左真係好好食啊！出色過豬扒，以後都要叫鮮牛，大力推薦！清碟完全無難度，豉油汁真係撈飯一流，不過啲飯有點偏乾同硬，唔知係咪當日下午4點先幫襯有關係呢？⚠️注意：想食豬扒飯要早啲，呢度唔開晚市，所以我4點幾食當下午茶連晚餐鮮牛豬扒飯$50（連熱飲品$54）豬扒太陽蛋飯$42（連熱飲品$46）

小妹成日都叫呢間做開心豬扒，因為呢個係招牌菜，亦每次都會點開心豬扒飯。今次黎到已經一點半，等左15分鐘左右先有得坐，即刻叫個開心豬扒飯餐($46) 凍奶茶(+$1)。 開心豬扒飯本身有雙蛋同一塊豬扒，白飯底加生菜2條，唔轉的話汁係豉油汁。雖然賣相係好一般的豬扒蛋飯，但食落真係好驚喜架。白飯底好好食，米飯粒粒分明但軟熟好滑，淨係豉油汁荷包蛋已經夠撈左碟飯啦～而豬扒調味後煎香，一啖入面一齊食豬扒、雞汁、豉油係最正嘅! 食到最尾得返淨豬扒有啲咸喇。最後到奶茶，先有奶味，後續係茶的苦澀味同少少鞋。

想食豬扒飯，就會諗到呢間開心小敍嘅招牌豬扒飯，水準一如既往都係咁正，豬扒夠淋，餸亦夠多。再配埋黑椒汁，好送飯😋再點了一個雪菜肉絲通粉，炒蛋多士俾小朋友食1個快靚正平既午餐又搞掂了🤘🏻

經過開心小敘門口，即被雙蛋豬扒的宣傳廣告吸引著，另外門口又排著隊等位，感覺應唔差吧😅叫了兩碟雙蛋豬扒飯，配豉油汁，加上流心太陽蛋，好滑，豬扒好入味，可惜比較薄，亦不算大件，但咬下去，很鬆軟而不靱，都不錯👍

眾所周知，開心小敘元朗有三間分店，今日係安興果邊做完野，就決定試下呢間分店。環境，比總店好，闊落好多。而呢邊既豉油，係店員幫你落的。到咗個主角，豬扒雙蛋飯，蛋，比較生，用黎撈飯一流！而豬扒，感覺上比較大塊，同埋比較咸，但同樣都好香口。咖啡就比較重奶味，無乜啡味。