Co-Dining Space (已結業)

終於到咗我嘅生日月份啦！咁即係要展開一連串的增肥飯局了！今晚好同事約了我及家人一起去尖沙咀廣東道一間樓上西餐廳享用美食。Co dinning space 在海港城對面的流尚坊樓上，地點幾方便。餐廳佈置清雅，坐得幾舒適！是日放工即刻去開餐，六點已到達餐廳等家人一齊 ，先叫咗飲品傾吓計先。叫咗一杯特濃朱古力奶昔同凍榛子咖啡。人齊了，先吃前菜，點了一份Parma ham哈蜜瓜，又咸又甜的組合相當夾！再來一份白酒煮青口，青口鮮嫩美味！主菜叫了一份醬汁豬筋骨及燒春雞，一份配薯條，一份配薯蓉！d薯條份量十足，而且香脆可口，又唔會乾身！好好味！燒春雞都幾大隻，醃得幾香，帶少少微辣，配埋沙律菜同薯蓉，完全唔覺得肥膩！大約七時，餐廳已差唔多滿座，可能係寫字樓啲人放工過嚟食飯，不過餐廳播着音樂，其他食客都唔會太大聲傾計，仍然坐得好舒適。