OPPA Coffee Bar Restaurant

營業中

休息中

又到年尾飲飲食食時間，幾個韓粉姐妹話要去尖沙咀韓國街食炸雞，共度歡樂時光。放工步至餐廳，聖誕佈置加上節日熱鬧氣氛與平日水泥灰色工業風主題的感覺截然不同。開餐前始終想有個湯暖下肚，所以叫個傳統牛肋骨湯，牛肉已經餚至離骨，熱辣辣十分鮮味。芝士蛋捲沙律見隔離枱嗰碟份量大，所以照版煮碗叫咗份，姐妹話味道普通，不過我就覺得蛋味濃郁，計埋份量的話都算抵食之選。卡邦拿無骨炸雞 醬汁香、炸雞嫩，兩個都好似係主角咁；加上啖啖肉食完一嚿又一嚿。姊妹話一定要試嘅 海鮮蛋槳熔岩炒飯 原來有一半係為咗睇 Oppa 來服侍，小鮮肉即席玩火又撈又燒個飯，Oppa 講幾句韓文，姐妹已經暈曬浪咁..... 睇佢哋個樣應該食唔出芝士、蛋、魷魚先至係主角。不過嗰飯拉晒絲賣相又真係幾吸引，見到都口水流。唔知係咪就嚟放假嘅原因，全晚嘻嘻哈哈嘅姊妹們特別大食，意猶未盡要追加多份 蒜香無骨炸雞，今次嘅蒜香味道入曬薯條入面特別食多咗好幾條，Encore 完轉個頭又好快食晒。