影片
更多
2023-08-19
137 瀏覽
如果約一大班朋友去Party Room，又或者出海🚢，一定會叫到會，唔使諗食咩，又可以一次過試晒咁多嘢食！今次試咗呢間到會，佢哋而家有個全新嘅Menu，有多款fusion菜式可以選擇，西式食材撞上中式醬汁，菜式選擇都幾多花款～今次試咗佢個六人自選套餐，由前菜、小食到甜品都有齊，每個item佢都有幾款可以選擇，超滿足！------------------------------🦞◖龍蝦仔黃金栗米蘆筍沙律◗ 沙律用上花椒油醋汁伴沙律，食落好麻好特別，但略嫌龍蝦仔冇乜味～🦀◖東瀛咖哩蟹肉酥皮盒◗ 有6小個蟹肉酥皮盒，咖喱味重過蟹肉味，細細粒過下口癮幾好～🐟◖煙三文魚牛油果炸黃金饅頭◗ 個人幾鍾意呢個，炸饅頭夾住煙三文魚，塗上青醬，外皮香脆得黎唔會太dry，好食！🍛◖日式咖喱厚切吉列豬扒飯◗ 有2大塊吉列豬扒，份量都幾足，味道幾好但食嘅時候豬扒外皮都淋咗了，店家好貼心，送黎嘅時候將咖喱汁分開擺，食嘅時候先加落去，就唔會令到啲飯索到濕淋淋！🍯◖香甜柚子蜜燒豬仔骨◗ 豬仔骨外層塗上柚子蜜先拎去燒，淡淡的甜味加上柚子嘅清新，食落一啲都唔油膩，頗有肉香，仲有啲筋膜嘅爽脆！🐖◖德國無骨咸豬手配
今次試咗佢個六人自選套餐，由前菜、小食到甜品都有齊，每個item佢都有幾款可以選擇，超滿足！
------------------------------
🦞◖龍蝦仔黃金栗米蘆筍沙律◗
沙律用上花椒油醋汁伴沙律，食落好麻好特別，但略嫌龍蝦仔冇乜味～
🦀◖東瀛咖哩蟹肉酥皮盒◗
有6小個蟹肉酥皮盒，咖喱味重過蟹肉味，細細粒過下口癮幾好～
🐟◖煙三文魚牛油果炸黃金饅頭◗
個人幾鍾意呢個，炸饅頭夾住煙三文魚，塗上青醬，外皮香脆得黎唔會太dry，好食！
🍛◖日式咖喱厚切吉列豬扒飯◗
有2大塊吉列豬扒，份量都幾足，味道幾好但食嘅時候豬扒外皮都淋咗了，店家好貼心，送黎嘅時候將咖喱汁分開擺，食嘅時候先加落去，就唔會令到啲飯索到濕淋淋！
🍯◖香甜柚子蜜燒豬仔骨◗
豬仔骨外層塗上柚子蜜先拎去燒，淡淡的甜味加上柚子嘅清新，食落一啲都唔油膩，頗有肉香，仲有啲筋膜嘅爽脆！
🐖◖德國無骨咸豬手配潮式酸菜◗
咸豬手外皮烤得好脆，口感好軟腍，整體食落好漿口，滿滿嘅骨膠原，好滿足，配上鹹香嘅潮式酸菜，味道更加有層次～
🍫◖朱古力布朗尼脆燕麥杯◗
食完個到會套餐，梗係要有啲甜品畫上句號～呢個甜品杯每杯都有四至五件布朗尼蛋糕，可可味香濃仲有啲杏仁片，蛋糕體夠濕潤，但略嫌甜咗少少，冇外脆內軟嘅口感～
🌟 Encore指數：8.4/10
張貼
