2 Soon Cafe

營業中

休息中

今日去咗一間好有異國風情feel嘅cafe，有珊瑚紅格仔圓拱形嘅外牆入口，入邊又有啲阿拉伯風情嘅裝修。但係Cafe嘅食物就係西日fusion，夜晚仲有酒飲㖭。午餐就包咗沙律或者餐湯，今日嘅餐湯係甘筍忌廉湯，味道幾特別又幾有heart。主菜就叫咗日式牛肉壽喜燒炒烏冬配日本蛋黃漬，重點當然係個蛋黃度啦。壽喜燒味道唔會太濃郁，偏向溫和。牛肉嘅質素都幾高。飲品叫咗一杯特飲”SUMMER SPLASH”，喺Cold brew底再加入菠蘿汁、檸檬汁同埋熱情果。酸酸甜甜又香咖啡味，啱晒呢排咁熱飲。食完仲叫咗個甜品。咖啡同埋抹茶Tiramisu就食得多，呢度居然有焙茶Tiramisu，咁就一定要試吓啦。成個質地都好似，但係味道就比焙茶嘅代替咗。中間嘅蛋糕又夠濕潤，如果係焙茶一定會鍾意呢個。