23
4
2
等級4
1K
4
2016-01-25 1233 瀏覽
看到個標題, 大家都估到呢篇係由我阿P呢個麻甩仔寫的,而呢個喊評一切就由隻燒鵝開始,無錯,打邊爐又關隻鵝咩事?!其實我都好想知點解打邊爐會有隻鵝出現...事緣上星期同幾個死黨的泰菜飯局唔齊人,唔夠喉,於是大伙兒完決定趁天氣突然轉涼,即慶黎過男人的浪漫飯局。由於大家都未食過呢間金牌,所以就決定一試。顧家好男人"車爸爸","為食鴨"同我先到,所以先order 了牛骨鍋及肥牛一碟,正當我地等食之際,一位穿西裝的經理笑哂口咁走埋黎同我地打招呼,話已經幫我地準備緊個湯底,問我地試唔試下d魚生,好新鮮ga,"為食鴨"回應話唔食生肉的,𣎴用了,跟住經理即刻問咁不如試下燒鵝,剛燒好,來個例牌,包正!我們回應説想等齊人才決定食其他野,接著經理笑騎騎咁話:好,上咗個湯底食住等。估不到先來旳既不是牛骨鍋亦不是肥牛,而是呢碟例牌燒鵝!!??...剛巧"不文楷"同"恐龍輝" 一齊到,笑問今晚不是來打邊爐麼,攪乜有碟鵝!?我們三人你眼望我眼,話比個經理老屈,大家見既然都上左枱,唔緊要la,當加餸,清佢碟,其實味道不錯,錯的是銷售手法,但都不足以俾喊評,關鍵係最後埋單時及整體感覺,不過宜家先講食物,劇情容後分解。金
更多
看到個標題, 大家都估到呢篇係由我阿P呢個麻甩仔寫的,而呢個喊評一切就由隻燒鵝開始,無錯,打邊爐又關隻鵝咩事?!其實我都好想知點解打邊爐會有隻鵝出現...事緣上星期同幾個死黨的泰菜飯局唔齊人,唔夠喉,於是大伙兒完決定趁天氣突然轉涼,即慶黎過男人的浪漫飯局。由於大家都未食過呢間金牌,所以就決定一試。
20 瀏覽
0 讚好
0 留言
顧家好男人"車爸爸","為食鴨"同我先到,所以先order 了牛骨鍋及肥牛一碟,正當我地等食之際,一位穿西裝的經理笑哂口咁走埋黎同我地打招呼,話已經幫我地準備緊個湯底,問我地試唔試下d魚生,好新鮮ga,"為食鴨"回應話唔食生肉的,𣎴用了,跟住經理即刻問咁不如試下燒鵝,剛燒好,來個例牌,包正!我們回應説想等齊人才決定食其他野,接著經理笑騎騎咁話:好,上咗個湯底食住等。

估不到先來旳既不是牛骨鍋亦不是肥牛,而是呢碟例牌燒鵝!!??...
燒鵝
16 瀏覽
1 讚好
0 留言
剛巧"不文楷"同"恐龍輝" 一齊到,笑問今晚不是來打邊爐麼,攪乜有碟鵝!?我們三人你眼望我眼,話比個經理老屈,大家見既然都上左枱,唔緊要la,當加餸,清佢碟,其實味道不錯,錯的是銷售手法,但都不足以俾喊評,關鍵係最後埋單時及整體感覺,不過宜家先講食物,劇情容後分解。
金牌牛骨鍋($228)- 有牛骨、牛腩、牛什、蘿蔔及大䓤。份量絶對沒有其他食評所說咁多,特別牛腩同牛什可以用少來形容,而湯底飲過後,即場要飲汽水解喝,大家明la。
金牌牛骨鍋
$228
34 瀏覽
0 讚好
0 留言
金牌牛骨鍋
21 瀏覽
0 讚好
0 留言
本地手切牛肉($368)-色水及雪花紋都對板,好上鏡,但牛味欠奉,普通料,用來影相呃like就不錯。
本地手切牛肉
$368
15 瀏覽
1 讚好
0 留言
本地手切牛肉
23 瀏覽
0 讚好
0 留言
四寶丸($128)- 有蝦、魚、豬同牛四款,肉味濃,打到夠哂起膠有彈性,好味,encore 多一碟,但唔平,成$16 一粒丸,唯有說是一分錢一分貨啦。
四寶丸
$128
13 瀏覽
1 讚好
0 留言
自製雲呑($88)- 蝦爽豬肉夠多,每粒都脹卜卜,不錯。
自製雲呑
$88
18 瀏覽
1 讚好
0 留言
脆鯇片($88)- 應該改名叫鯇片,完全唔脆,味道好普通,可以不叫。
脆鯇片
$88
13 瀏覽
0 讚好
0 留言
成班牛魔王響度,又怎能只叫一碟牛?但基於之前叫的那碟本地牛麻麻,所以今次試極品霜降肥牛($298)- 呢碟平d又好味d,起碼牛味重,"為食鴨"即刻話黎多碟。
極品霜降肥牛
$298
17 瀏覽
1 讚好
0 留言
極品霜降肥牛
$298
11 瀏覽
0 讚好
0 留言
見d 丸唔錯,一於試埋手打墨魚滑($98)- 一上枱大家都俾佢個size嚇一嚇,細都呢...份量少得可憐,味道就好一般。
手打墨魚滑
$98
11 瀏覽
0 讚好
0 留言
有"為食鴨"在,一定會叫響鈴($68)- 夠脆,ok la。
響鈴
$68
18 瀏覽
0 讚好
0 留言
成班麻甩仔見食咗咁耐都唔見飽,再咁叫落去都唔係辦法,唯有叫d 真•飽肚的: 飯($15)、出前一丁麵($48)同稻庭烏冬($58)。
$15
24 瀏覽
0 讚好
0 留言
出前一丁麵
$48
10 瀏覽
0 讚好
0 留言
稻庭烏冬
$58
16 瀏覽
0 讚好
0 留言
大家都努力在清鍋,基本上鍋內放得入口的都會被消滅,唯獨是有七粒白色厚身物體在鍋內一直飄浮著,點都無人肯認領,細看原來係魚皮餃,由於外形實在太唔討好,無人問津,但一碟有八粒,少咗粒,邊個食咗?原來係"恐龍輝",但他只食了半粒,另外半粒在碟邊...他無奈地說: "兄弟,好難食,唔識形容,個皮厚到唔知想點,個餡又好怪,成件事唔知想點,總之好難食..." 基於要寫食評,我鼓起勇氣試了半啖: 嘩!!! 不得了,個皮係平時食開的三倍厚,而個餡料應該已壞了,微酸,同店家反映,他們亦取消了order。
17 瀏覽
0 讚好
0 留言
9 瀏覽
0 讚好
0 留言
食到嬲嬲地,諗住叫d 飲品下火,酸梅湯~無,夏枯草~無,竹蔗水~ 終於有喇,不過好淡好淡。唉,都係埋單轉場食糖水好過,而醖釀著這篇喊評的關鍵情節亦在這時發生。
20 瀏覽
0 讚好
0 留言
當我們接到賬單時,起初係八卦下隻老屈燒鵝索價多少,因餐牌隻字不提。$148,算la,可以接受,但發覺茶錢、酸菜、醬芥分開逐下計,我們才發覺怎麼成晩都無人俾個火鍋專用的"調味醬料盤"給我們混醬?同部長反映後,他說可能同事漏了給我們,說馬上去取消這項收費。就在我們乖乖等緊更正單時,之前個位燒鵝經理拎張單俾我地,一望,價錢同之前一様,"不文楷"火了,說: "做咩啫,又攞番張錯單來?你之前位同事話因為忘了俾醬料所以會跟進嘛",此時經理冷酷地指著我們的豉油碟說:"有俾你地喎,打邊爐一定收硬醬料錢㗎喇,我邊位同事覆你話ok ar?",夠了,呢一刻我要爆了,我比他更冷酷的回應:"咁係咪無比到其他醬料我地ar?",不知是否他之前看見我左影右影估會寫食評還是什麼,他只冷冷拋下一句 "幫你改番",然後就消失了。

老實講,這𥚃食物水準絶對不差 (除咗魚皮餃),但論牛肉,不及謙記同牛皇星;論丸同餃類,比佢好的多的是;論環境服務同心思,輸哂比酒鍋,以此價錢 ($500 per head,但無食過貴價海鮮),大把更好選擇。做生意要賺錢,我明;公司會追經理數,我都明,我每星期都向我各分店經理追數,但用這種手法,客人會回來嗎?
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2016-01-22
用餐途徑
堂食
人均消費
$500 (晚餐)
推介美食
自製雲呑
$ 88