Kim's Spoon (南豐中心) (已結業)

今日和同事見到新出韓式套餐，十分可愛，弘大二人套餐，立即就決定去試下，套餐一上枱我們就嘩一聲，真的很吸引!很可愛老虎食物有韓式炸雞，無骨，甜酸醬，雞肉嫩滑啖啖肉好正! 鐵板燒牛肉，牛肉雪花紋平均，先放牛油再放牛肉煎，牛肉唔韌，有少少咬勁，味道天然。另外有一碟醬油，不過我們覺得不用，牛肉味都不錯。有冬菇，洋蔥。七彩忌廉下面，原來係泡菜年糕和卡邦尼年糕，兩者充滿芝士香味，有方形厚切火腿片，年糕軟糯而惹味。另一需係泡菜炒飯，同芝士漢堡扒，淨係賣相已經覺得很不錯，芝士味亦非常濃，有一片車打芝士，和白色忌廉芝士包圍，芝士控一定喜歡，漢堡比想像中厚，炒飯一d都唔辣像西炒飯味道有火腿粒，適合任何人，包括小童。 2片提子飽，配有粟米蓉，餅乾多塊，餅乾可以放上粟米蓉同吃，沙律菜新鮮，配千島醬，炸薯條香脆。藍莓奶昔，藍莓夠多，飲到好濃藍莓味，上面鮮忌廉夠滑溜。比較特別係菊花薑蜜，薑味很濃，辣辣地，飲完全身暖起來。泡菜，熟成度剛好，酸辣爽口，很惹味。Kim's spoon 枱上有水瓶，筷子，一大碗泡菜任食，食物速度快，服務員態度良好，下次會再試其他餐。