影片
更多
2023-06-30
733 瀏覽
22 Branch Oyster Bar & Restaurant將軍澳唐俊街28號海天晉滙地下G06號舖將軍澳南海岸呢邊一向都有好多高質既餐廳，今晚就約左個好朋友黎慶祝生日，所以專登揀左間好嘢，呢間一向係自己個想食List入面，終於有機會試到，估唔到真係無揀錯，環境舒適座位闊落，食物既質量亦都好高，擺盤靚之餘，仲要係好好食，我地點左個2人餐，價錢都唔算貴，只係$688, 值得推薦是日餐湯-雜菜湯頭盤-精選生蠔今日既生蠔係黎自南非既伊莉珍珠蠔，每人有2隻，蠔既Size適中，非常厚身，食落好有口感，入口淡淡地既海水味，非常新鮮凱撒沙律沙律菜好新鮮，灑入一d碎芝士，煙肉乾，麵包糠同埋沙律醋混埋一齊就最岩啦，好清新非常開胃香煎鵝肝鵝肝好大塊，煎得非常香脆，離遠已經聞濃濃既油香，入口有即溶既感覺，但又唔會覺得太油膩藍芝士蘑菇批批底及批邊係我最鐘意酥皮既口感，中間係夾住一層又一層嘅蘑菇，表面就係芝士，見到都流晒口水，好吸引黑松露菌意大利飯好香好濃郁既黑松露味道，而飯底好重忌廉味，食落好Creamy岩晒我口味呀，而且份量都幾多架炭燒美國安格斯肉眼扒最鐘意肉類炭烤完特別好味既，餐廳控制火喉岩岩好，肉
將軍澳唐俊街28號海天晉滙地下G06號舖
將軍澳南海岸呢邊一向都有好多高質既餐廳，今晚就約左個好朋友黎慶祝生日，所以專登揀左間好嘢，呢間一向係自己個想食List入面，終於有機會試到，估唔到真係無揀錯，環境舒適座位闊落，食物既質量亦都好高，擺盤靚之餘，仲要係好好食，我地點左個2人餐，價錢都唔算貴，只係$688, 值得推薦
是日餐湯-雜菜湯
頭盤-精選生蠔
今日既生蠔係黎自南非既伊莉珍珠蠔，每人有2隻，蠔既Size適中，非常厚身，食落好有口感，入口淡淡地既海水味，非常新鮮
凱撒沙律
沙律菜好新鮮，灑入一d碎芝士，煙肉乾，麵包糠同埋沙律醋混埋一齊就最岩啦，好清新非常開胃
香煎鵝肝
鵝肝好大塊，煎得非常香脆，離遠已經聞濃濃既油香，入口有即溶既感覺，但又唔會覺得太油膩
藍芝士蘑菇批
批底及批邊係我最鐘意酥皮既口感，中間係夾住一層又一層嘅蘑菇，表面就係芝士，見到都流晒口水，好吸引
黑松露菌意大利飯
好香好濃郁既黑松露味道，而飯底好重忌廉味，食落好Creamy岩晒我口味呀，而且份量都幾多架
炭燒美國安格斯肉眼扒
最鐘意肉類炭烤完特別好味既，餐廳控制火喉岩岩好，肉眼扒仍然保持鮮嫩唔會overcooked, 我自己就最鍾意加少少海鹽一齊食就最perfect
張貼
