影片
更多
2017-03-18
185 瀏覽
之前喺上環都幫襯過呢間餐廳， 印像一般， 咁啱今日有朋友話想試，所以我哋就去咗銅鑼灣間分店。 星期五夜晚上， 喺冇預約嘅情況下，我哋七點半去到餐廳，店員話九點要交枱，我哋當然冇問題。因為我哋得兩個人嘅關係，所以都唔敢叫得太多。 我哋叫咗一個Tapas同一個飯。Tapas係蠔仔蛋餅， 印像中上次menu冇呢一款，不過上次都有食過蛋餅，印象唔錯。 今次呢個蛋餅味道都幾好，用料足夠，起碼食到有蠔先啦 所以哩度嘅蛋餅都係值得推介。跟住就去西班牙海鮮飯， 食西班牙嘢又點可以缺少呢。一上菜嘅時候，賣相都唔錯㗎， 有蝦有蜆有青口，都係啲basic用料， 而且佢個份量都唔少， 兩個人食嘅話其實都好飽。 味道方面， 首先啲飯味道都夠濃， 但食咗落去先知原來個飯係辣辣地， 好彩我我哋都係好辣之人， 如果唔係就真係中招。 海鮮方面， 啲蝦雖然睇落夠大隻，但完全唔新鮮，個蝦頭好似吊吊fing咁；啲蜆就中規中矩，都係有d香草味；仲有個青口……好難忘， 因為個青口去完全冇味㗎， 感覺就好似白烚完或者清蒸完，冇落任何調味料嘅情況下就咁放落個飯度， 除咗嗰陣冰鮮/雪藏味之外就冇其他味道。 雖然個飯本身都夠味，但係如果
因為我哋得兩個人嘅關係，所以都唔敢叫得太多。 我哋叫咗一個Tapas同一個飯。
Tapas係蠔仔蛋餅， 印像中上次menu冇呢一款，不過上次都有食過蛋餅，印象唔錯。 今次呢個蛋餅味道都幾好，用料足夠，起碼食到有蠔先啦 所以哩度嘅蛋餅都係值得推介。
跟住就去西班牙海鮮飯， 食西班牙嘢又點可以缺少呢。一上菜嘅時候，賣相都唔錯㗎， 有蝦有蜆有青口，都係啲basic用料， 而且佢個份量都唔少， 兩個人食嘅話其實都好飽。 味道方面， 首先啲飯味道都夠濃， 但食咗落去先知原來個飯係辣辣地， 好彩我我哋都係好辣之人， 如果唔係就真係中招。 海鮮方面， 啲蝦雖然睇落夠大隻，但完全唔新鮮，個蝦頭好似吊吊fing咁；啲蜆就中規中矩，都係有d香草味；仲有個青口……好難忘， 因為個青口去完全冇味㗎， 感覺就好似白烚完或者清蒸完，冇落任何調味料嘅情況下就咁放落個飯度， 除咗嗰陣冰鮮/雪藏味之外就冇其他味道。 雖然個飯本身都夠味，但係如果其他配料一啲味都冇，個感覺真係好奇怪。 其實用番個飯嘅sauce去處理埋啲配料， 又或者事前用調味料先調味，都唔係好難啫。
總結嚟講，呢一間餐廳主打應該係甜品，而唔係西班牙菜。 海鮮飯作為西班牙菜嘅主打， 但都整到咁嘅味道，我覺得好失望。 雖然個蛋餅幫佢加返啲分，但都一定比唔到讚囉。
張貼
