影片
更多
2009-02-03
因為成日行過都好多人排隊，又聽聞佢响台灣好出名，忍唔住去幫襯下佢嘅招牌珍珠奶茶...第一次(新開張幾日)：珍珠奶茶唔太甜又有茶味，珍珠有嚼勁又唔會張埋一舊舊，十蚊，抵！第二次(兩星期後)：已經同平日幫襯6蚊杯嘅港式"台灣奶珍珠茶"差唔多，有啲後勁不繼...第三次：因為lunch無咩胃口，行過又幫襯杯珍珠奶茶。比咗錢都知道要等一輪(大概有十幾個order)，於是行開咗10分鐘先返嚟，見到剩返4-5個order到我，於是唔行開繼續等。其實大部份企响度嘅人都比咗錢買嘢飲，短短十分鐘，已經望到我之後原來都已經再有十幾個order。但係企咗七、八分鐘，佢都叫唔到一個order，仲突然之間話後面唔知幾多號嘅order因為電腦有問題而唔知出咩嘢。大家開始鼓譟，趕時間嘅人問可唔可以插隊做咗自己嘅order先。雖然我覺得問都多餘，但個收銀男竟然同個客講「我都幫你唔到」、「要等半個鐘架...你行一陣先嚟..」然後有個講唔鹹唔淡廣東話+英文嘅女人問店員可唔可以聽日先嚟攞，當然比人拒絕啦。個女人問咁點解唔整個告示寫明要等半個鐘，等個客知道自己有無時間先落order。負責出order嘅靚妹竟然火上加油話因為唔係
第一次(新開張幾日)：珍珠奶茶唔太甜又有茶味，珍珠有嚼勁又唔會張埋一舊舊，十蚊，抵！
第二次(兩星期後)：已經同平日幫襯6蚊杯嘅港式"台灣奶珍珠茶"差唔多，有啲後勁不繼...
第三次：
因為lunch無咩胃口，行過又幫襯杯珍珠奶茶。比咗錢都知道要等一輪(大概有十幾個order)，於是行開咗10分鐘先返嚟，見到剩返4-5個order到我，於是唔行開繼續等。其實大部份企响度嘅人都比咗錢買嘢飲，短短十分鐘，已經望到我之後原來都已經再有十幾個order。但係企咗七、八分鐘，佢都叫唔到一個order，仲突然之間話後面唔知幾多號嘅order因為電腦有問題而唔知出咩嘢。
大家開始鼓譟，趕時間嘅人問可唔可以插隊做咗自己嘅order先。雖然我覺得問都多餘，但個收銀男竟然同個客講「我都幫你唔到」、「要等半個鐘架...你行一陣先嚟..」
然後有個講唔鹹唔淡廣東話+英文嘅女人問店員可唔可以聽日先嚟攞，當然比人拒絕啦。個女人問咁點解唔整個告示寫明要等半個鐘，等個客知道自己有無時間先落order。負責出order嘅靚妹竟然火上加油話因為唔係成日都要等半個頭所以唔會有通知。雖然仲有幾個order就到我，但係我都覺得佢哋嘅服務真係超差，令到其他等緊嘅客人覺得更唔耐煩。個女人要求負責人出嚟，但收銀男同靚妹竟然異口同聲話自己係第一日返工，咩嘢都唔知，結果激到個女人比咗錢都唔要啲嘢飲就走。
後來我見到啲嘢飲出咗嚟，但個靚妹都仲唔叫冧把。於是問可唔可以出咗已經ok咗嘅order先，點知佢竟然話因為前面有order有問題所以要做返嗰個order先可以出後面嘅order(但ok咗嘅order已經放咗响櫃面)。
其實我明白新呢種特許經營店初初打入本地市場要調節返個口味迎合消費者，品質有差異都可以被諒解。但佢嘅管理模式同市場策略似乎都欠完善。好似而家啲顧客攪到咁勞氣，竟然連一個連絡渠道都無。我第一次幫襯都覺得comebuy不失為一間有誠意嘅茶店，希望佢嘅下場唔會攪到好似响台灣撈得好掂，但嚟到香港就摺嘅東甩店啦
張貼