影片
更多
2023-11-24
356 瀏覽
強烈提醒大家落單時要小心，盡量唔好搵老闆娘，堅持自己想食D咩就算，千萬唔好俾佢sell到。Please be reminded to stick to whatever you want to order. Avoid ordering with the lady boss as she will keep asking you to order this, order that, order more portion, trying to squeeze as much as money from you. 疫情前已經同唔同既朋友食過3次石牆道，疫情後第一次回歸，諗住黎個Happy Friday! 本身由到達餐廳由侍應姐姐接待，上一層揀位，坐低等朋友，先送黎幾杯熱茶，我地就叫啤酒飲住先等朋友，佢地都無催我地落單叫野食，幾位侍應姐姐態度都好好，所有野感覺都良好，點知由落單果一刻就出事喇......我地一行4人，其中3個之前都黎食過，就諗住先叫個，之後再加野食；點知其中一個講廣東話既侍應姐姐話一開頭叫2人餐咁前菜只有2人份，叫我地落埋其他野食單先；咁我地轉個頭諗諗已經再叫，其中有個侍應就
Please be reminded to stick to whatever you want to order. Avoid ordering with the lady boss as she will keep asking you to order this, order that, order more portion, trying to squeeze as much as money from you.
疫情前已經同唔同既朋友食過3次石牆道，疫情後第一次回歸，諗住黎個Happy Friday! 本身由到達餐廳由侍應姐姐接待，上一層揀位，坐低等朋友，先送黎幾杯熱茶，我地就叫啤酒飲住先等朋友，佢地都無催我地落單叫野食，幾位侍應姐姐態度都好好，所有野感覺都良好，點知由落單果一刻就出事喇......
我地一行4人，其中3個之前都黎食過，就諗住先叫個[2人餐B3]，之後再加野食；點知其中一個講廣東話既侍應姐姐話一開頭叫2人餐咁前菜只有2人份，叫我地落埋其他野食單先；咁我地轉個頭諗諗已經再叫，其中有個侍應就話落單要叫老闆娘，無問題，我地就等老闆娘過黎...老闆娘係個銀白短髮著裇衫既‘’阿豬媽‘’，講野係廣東話 x 韓文 x 英文咁混住黎講，其實都有少少聽到R晒頭同load唔切。一黎佢就問我地食唔食醬油蟹，我地唔岩食，就話叫2人餐B3，佢就一輪咀up-sell我地將餐果份五花腩加差額$140轉佢個金獎五花腩，咁我地就諗住試一試啦，佢又叫我地加兩份，好彩我地截住佢，只加一份；跟住叫F19牛肋骨($200)，佢又話果個係細既，叫我地叫南瓜牛肋骨 ($3XX)，但我地話唔食南瓜就推左佢；我地再叫左泡菜餅，佢就問我地夠唔夠呀？我地就話一陣唔夠先再叫水冷麵啦，誰不知佢當下已經即刻落埋單，到上菜時我地先知，唔知係咪想側側膊唔多覺，有少少老屈既感覺。臨尾佢用廣東話問我地要唔要芝麻葉同Onion，我地以為係問我地2人餐B3裡面個菜籃要唔要呢兩樣野，所以就話好啦，阿老闆娘無提過要收錢或者幾錢！最後埋單原來每樣都要收$50+10%。有少少俾佢禁住黎搶咁。
呢位所謂既老闆娘仲好煩，佢好執著你D調味料點擺，又執著D前菜同菜籃點擺，一定要跟佢心目中既擺法咁擺。佢會教你點樣用菜包燒肉，但又係好夾硬黎咁，硬係要你跟佢做法，如果唔岩心水要堅決同佢say no，唔好俾佢夾硬黎。其實我地都係放工想Happy Friday黎食餐飯，唔知點解好似有D被訓導/教導既感覺。
野食係好食既，份量都唔錯，調味牛肋骨好和味，前菜係豐富既，好幾位講廣東話既侍應都好好服務，餐廳環境係韓式，但成餐飯就真係唔係食得幾舒暢，被人hard sell完仲要俾人教化點樣食呢樣，點樣食果樣。臨尾埋單見到原來芝麻葉同Onion每樣要收$50+10%更加唔高興。阿老闆娘好似想劏得幾多就幾多.....第一次黎食既朋友已經即場話唔會再有下次，食到成肚氣。
調味牛肋骨
0 瀏覽
0 讚好
0 留言
張貼
