影片
更多
2016-04-15
1502 瀏覽
今晚難得出城去 Breaks 打波飲酒，突醒起有朋友仔強力推介亞龍咖哩，上次又走錯隔離阿龍，此亞不同彼阿，今次無錯喇麻！內籠枱櫈密麻麻，枱都比較細，坐得不很舒服。最初都係打算獨獨嘆咖哩，點知朋友仔突然興起想 join 埋我，但依度食牛食辣食咖哩唔啱您口味喎。好采七點左右早到有位唔洗等，但好快已經滿座喇！坐左段時間朋友仔仲未到，我已經好肚餓，唯有食住等。咖哩雞大辣配薄餅，血紅色咖哩汁盛得滿滿，連雞都幾乎見唔到。翻一翻檢清楚先，全部都係雞胸？部份有骨添。我唔係鬼佬喎，我要食雞髀架，仲只得四舊，份量太小喇麻。有乾及油兩種薄餅喎，我喜歡油薄餅，比較香口又咸咸地，而且柔軟充滿彈性，要加錢？當然無問題啦。所有項目準備就緒，急不及待放件雞係油薄餅之上，再淋大量咖哩，一啖啪晒入口，將口塞得滿滿先夠嘆麻！咖哩散發出特濃鮮茄味道，甜中帶酸，大辣都不礙如事，中辣程度仲要帶著強茄味。唔掛得知依度除供應咖哩外，就係蕃茄汁啦。暖暖的咸香嚥韌軟棉油薄餅夾住大量咖哩連雞肉係口腔內奔跑，跟舌頭牙齒打得火熱，細嚐其多層次既味道、豐富既質感。散發著香料芬芳，咖哩味沉實而突出，濃烈蕃茄味帶出一絲清新香氣，好食！滿意！最衰雞胸
最初都係打算獨獨嘆咖哩，點知朋友仔突然興起想 join 埋我，但依度食牛食辣食咖哩唔啱您口味喎。好采七點左右早到有位唔洗等，但好快已經滿座喇！坐左段時間朋友仔仲未到，我已經好肚餓，唯有食住等。
咖哩雞大辣配薄餅，血紅色咖哩汁盛得滿滿，連雞都幾乎見唔到。翻一翻檢清楚先，全部都係雞胸？部份有骨添。我唔係鬼佬喎，我要食雞髀架，仲只得四舊，份量太小喇麻。
有乾及油兩種薄餅喎，我喜歡油薄餅，比較香口又咸咸地，而且柔軟充滿彈性，要加錢？當然無問題啦。所有項目準備就緒，急不及待放件雞係油薄餅之上，再淋大量咖哩，一啖啪晒入口，將口塞得滿滿先夠嘆麻！
咖哩散發出特濃鮮茄味道，甜中帶酸，大辣都不礙如事，中辣程度仲要帶著強茄味。唔掛得知依度除供應咖哩外，就係蕃茄汁啦。
暖暖的咸香嚥韌軟棉油薄餅夾住大量咖哩連雞肉係口腔內奔跑，跟舌頭牙齒打得火熱，細嚐其多層次既味道、豐富既質感。散發著香料芬芳，咖哩味沉實而突出，濃烈蕃茄味帶出一絲清新香氣，好食！滿意！
最衰雞胸肉雖腍，但都係較乾囉，我要鮮嫩彈牙多汁既雞髀肉。食晒雞件同薄餅但仲剩大半碗咖哩汁呢，點算好？
朋友仔終於到喇，食完我咖哩雞薄餅頭盤，依家到牛腩飯主菜！朋友仔連 BB 辣受不了，試左一小啖我既大辣咖哩汁即時叫晒救命，狂飲冰水。
咖哩牛腩連皮大辣配白飯，個白飯都煮得骨子美觀，不太腍不太腍，飯香吸引香噴噴，不過我鍾意食乾爽嚥韌飯粒架呢。隊大量咖哩汁去撈飯係常識啦。
擘盡我天生既血盤大口將大大舊牛腩連大量咖哩汁用白飯盛著，狠狠地直塞入口中！那種滿足感難以用幾隻字表達，總之爽到震！香甜濃茄帶辣咖哩味直衝腦袋，比咖哩雞濃郁、比咖哩雞辣，令我懷疑大中小辣係咪隨意調製架？
牛腩爽化軟棉，香料已炆到迫進每一絲纖維，好味道啊！一不離二，必殺魔打手啟動，食到停不了，轉眼全部蒸發！
咖哩羊肉小辣配白飯，但我食緊大辣依家轉小辣真係唔多食到味道，咖哩味好淡呢。羊肉切得好大舊，黑色羊皮大大塊唔太接受到外觀。可能因為小辣及肥羊多脂肪關係，羊羶味突出又嗆鼻，微弱咖哩濃茄味肥羊肉不太喜歡此味道，不過羊肉勁棉勁腍，羊皮非常爽彈呢。
埋單時阿姐都好驚訝，一個人食兩個餐咁利害！我好肚餓麻，但一向都大食架啦。
試勻雞牛羊、大小辣，我始終喜歡大埔既咖哩至尊，佢地既巴基斯坦大辣其辣無比，多種香料渾然天成，香味濃郁而出眾，撈飯、配薄餅同樣美味極致，仲要有滾熱辣咖哩煲仔，大愛！
咖哩雞大辣配薄餅
77 瀏覽
0 讚好
0 留言
咖哩雞大辣配薄餅
66 瀏覽
0 讚好
0 留言
油薄餅
51 瀏覽
0 讚好
0 留言
咖哩雞大辣配薄餅
43 瀏覽
0 讚好
0 留言
咖哩雞大辣配薄餅
41 瀏覽
0 讚好
0 留言
咖哩雞大辣配薄餅
41 瀏覽
0 讚好
0 留言
咖哩牛腩連皮大辣配白飯
48 瀏覽
0 讚好
0 留言
咖哩牛腩連皮大辣配白飯
40 瀏覽
0 讚好
0 留言
咖哩羊肉小辣配白飯
43 瀏覽
0 讚好
0 留言
咖哩羊肉小辣配白飯
61 瀏覽
0 讚好
0 留言
張貼
