越棧越式湯粉專門店 (荃灣廣場) (已結業)

今日去到荃灣廣場呢間越棧，同女朋友行下街食下飯，見過價錢及CP值都算ok,就入去試下，點了一個咖喱牛腩飯，同埋豬扒雞絲金邊粉。咖喱牛腩飯黎到枱面個賣相係唔錯，牛腩質感都好好，夠腍，可惜咖喱唔係越棧既強項，係一個好溫和既味道，仲係有點唔夠咖喱香味。咖喱入面真係有香茅及香葉，算係真材實料。豬扒雞絲金邊粉麵食果然係拿手項目，好味好多，湯底好夠味，唔係味精湯！香茅豬扒合乎預期般的好味，雞絲真係有一絲絲，唔係雞肉條，整體質素高，值得推介！