丸亀製麵 (希慎廣場)

營業中

休息中

今日一個人行開銅鑼灣，去完誠品睇書，諗住去希慎 Food Court 醫肚，就黎連鎖嘅丸龜製麵開餐。要咗個清湯烏冬套餐（大），可以任揀一件炸物，我揀咗炸鱈魚。另外再點了一件胡麻雞柳天婦羅。烏冬做得幾出色，真係要讚一讚，好夠彈牙爽口，好夾個湯底，好正。唯獨鱈魚食到少少雪藏味，同埋炸完嘅雞柳可能擺耐咗，食到有少少油抑味，但口感夠晒香脆，都尚算合格。可以加一堆炸脆粒落啲烏冬度，增加口感。埋單$61，算係價錢合理。