影片
更多
2008-11-04
10月11日, 9+10月之星生日飯~ 1行4人揀咗去食吉列豬豬~!! 因為豚組可以book位, 又唔知walkin井吉要等幾耐, 所以就黎呢度試下新野喇~ 裡面格局同”一門”好似~ 而d廂座就幾有特色, 仲好高privacy添! 不過可能因為太private所以d waiter唔係好見到我地!Order完之後就比低4兜芝麻我地磨. 芝麻份量都唔少, 仲加左紫菜碎, 一路磨一路聞到好香~ 加埋又香又杰既豬扒汁真係好吸引!!::: 吉列豬柳拼大蝦定食::: $158呢個set有3大隻吉列蝦 + 2件豬柳~ 其實一睇色水都覺得佢炸得無井吉咁好! 呢度d炸物比較淡黃色, 而且唔同食物顏色又唔均勻, 亦都比井吉既炸物多少少油. 不過吉列海老真係比想像中出色!! 大大條海老真係由頭到尾啖啖肉!! 無多餘既炸粉, 咬落香脆, 蝦肉入口即融~ 讚*** 不過令人期待既豬柳就真係差咗d! 肉質又乾又韌一d都唔juicy!! 失望!! 任添既椰菜絲都算新鮮~ 不過有幾撮就有d苦… 而且只有一種紫蘇汁伴食… 感覺就無井吉又紫蘇汁又柚子汁咁豐富!!::: 豚組雜錦拼盤::: $328足2人份量既拼盤包括 2
Order完之後就比低4兜芝麻我地磨. 芝麻份量都唔少, 仲加左紫菜碎, 一路磨一路聞到好香~ 加埋又香又杰既豬扒汁真係好吸引!!
::: 吉列豬柳拼大蝦定食::: $158
呢個set有3大隻吉列蝦 + 2件豬柳~ 其實一睇色水都覺得佢炸得無井吉咁好! 呢度d炸物比較淡黃色, 而且唔同食物顏色又唔均勻, 亦都比井吉既炸物多少少油. 不過吉列海老真係比想像中出色!! 大大條海老真係由頭到尾啖啖肉!! 無多餘既炸粉, 咬落香脆, 蝦肉入口即融~ 讚*** 不過令人期待既豬柳就真係差咗d! 肉質又乾又韌一d都唔juicy!! 失望!! 任添既椰菜絲都算新鮮~ 不過有幾撮就有d苦… 而且只有一種紫蘇汁伴食… 感覺就無井吉又紫蘇汁又柚子汁咁豐富!!
::: 豚組雜錦拼盤::: $328
足2人份量既拼盤包括 2大隻吉列蝦 + 2隻吉列炸蠔 + 1大塊吉列豬扒 + 1件吉列芝士雞柳 + 1件吉列鵝肝漢堡!! 吉列蝦要讚多次好好食!! 其次就係蠔~ 大大隻外脆內軟又唔腥, 不錯! 吉列豬扒再一次失望~ 太乾又無肉汁! 吉列芝士雞柳幾清新~ 雞肉包住芝士同露筍黎炸, 芝士味濃而不膩~ nice try!! 反而鵝肝漢堡就好一般… 整體味道偏鹹, 好普通~!! 任添既除咗椰菜仲有白飯~ 用既係日本珍珠米~ 香甜好味~ 添咗3次!! 飯後既生果係西瓜~ 麻麻甜~
當晚所見, 星期六晚個場都唔full. 絕對係等唔到井吉退而求其次既首選!! 既然係其次, 食物當然就無井吉咁完美~ 但勝在可以優哉悠哉咁食餐晚飯, 價錢仲平井吉少少~ 不過如果有得揀, 我地都會揀番井吉~~~!
張貼
