天然酵母麵包店 (已結業)

周日悠閒逛PMQ, 行到攰攰地想坐低食野, 我地俾櫥窗入面橄欖包麵包吸引左入去, 因為之前係上海食過好好味橄欖包, 念念不忘, 我地仲叫多個高洛芙, 疑似老闆好熱情, 沖左個earl grey 茶, 又送左橄欖油, 黑醋俾我地點包, 招呼周到。橄欖包又咸又香又彈, 好味! 雖然比起上海嗰個, 橄欖粒無咁密, 始終香港物價貴咁多都明白嘅, 而高洛芙第一次食, 想像佢會似沙翁, 但實際竟然唔係好甜, 仲幾鬆軟添, 有驚喜! 呢個TEA 好滿意! 臨走拎左張卡片, 原來係香港站 同長沙灣都有得買包, 下次要試玫瑰酒釀荔枝合桃包!