紫竹軒小食品

營業中

休息中

魚肉燒賣，是香港人無人不曉嘅街邊小食，用下價魚肉，打成魚蓉後混和麵粉製成。早上返工可以當早餐，拮幾粒頂住檔，方便又廉價、而且附近梗有一檔，不過坊間食到的，通常都是機製行貨，好多魚味似有似無，入口吃到一嚿嚿粉糰味，難食到死。依家店燒賣個人覺得係上中環食過最好食嘅，口感煙靭彈牙，又有魚肉味，點少少豉油和辣油更添加口感。地點在上環永樂街87號地下，交通便利，店舖好細可以講好逼夾算乾淨，店舖完全利用樓梯空間，沒有堂食只供外賣，除咗燒賣之外早餐仲有火腿蛋通粉、炒米粉、三文治、黐飯、糯米雞、餐蛋麵、炒麵、腸粉等等。午餐仲有其他嘅小食例如煎釀三寶、套餐飯.....價錢經濟又好食，大家不妨去幫襯下。