好旺角麵家 (已搬遷) 新店位置

聽同事講呢度既麵和粥正，一於黎試下。一如同事所講，店內環境真係麻麻，店員都係粗聲粗氣，價錢就幾貴呵！雲吞炸醬麵：馳名雲吞味道差，蝦肉唔新鮮，雲吞皮 “淰淰地” 唔滑。炸醬和麵比例唔啱，太少麵，攪到好咸。但幼麵真係又香又彈牙。牛腩粗麵：牛腩入味又 “淰”，粗麵好有咬口。蠔豉咸瘦肉粥：粥底好棉、唔太稀又唔太 “傑”。可惜一 d 蠔豉咸瘦肉味都無，但有魚片腥腥地既味道，好怪。呢度既麵真係做得好正，可惜貴夾唔飽。