王林記潮州魚蛋粉麵

營業中

休息中

新開咗間王林記魚蛋粉起柴灣，今日去試下。佢個位置都幾隔涉，所以唔太多人，唔使等位就入得去。魚蛋粉鋪頭有咩野食基本上十有八九都一樣，分別只有質素。咁我就叫咗碗魚蛋米。一般叫魚蛋會搭魚片頭，佢都唔例外。先試下啖湯，都好清甜。 而魚蛋好有彈性，咬落去幾乎有聲咁滯。，唔太腥，幾好。魚片因為炸過，所以香啲，但基本上同魚蛋冇分別，都好爽。米粉就麻麻，好幼身，有啲似新竹米粉咁，我都係中意一般啲米粉，粗身啲，唔會一堆堆。而芽菜就唔係幾夾呢啲粉麵，我覺得搭生菜會好啲，起碼色水都靚啲唔會成碗一都白雪雪。