影片
更多
2023-09-14
74 瀏覽
開心仔，今日約左好耐無見嘅朋友一齊食壽司。點左同樣係廚師發辦嘅“本月時令壽司併盤”($320)，眼見師傅在吧枱後開櫃、拿刀、輕切，氣定神閒地拿捏，終於完成十件壽司放在面前。😃聽著介紹，有不少陌生嘅名字，要即刻google吓自己食咩。呢個就係廚師發辦嘅好玩之處；又神秘、又新鮮。今日廚師推介嘅時令壽司係拖羅、醬油漬吞拿魚、魴鮄、深海池魚、鮫鰈、象拔蚌、連子鯛、銀鱈魚、縞蝦、海膽。件件嘅顏色都靚到不得了，最鍾意係鮫鰈嘅口感。鮫鰈魚係白肉魚中被譽為高級嘅壽司食材，含有豐富嘅膠原蛋白。入口陣魚油味真係好香，咬落爽脆，食完一件，感覺有d唔夠喉。而味道最鮮就係拖羅，脂肪有d雪花紋，魚油脂甘香濃郁，入口即溶。魴鮄係我第一次食，肉質都幾有彈性，味鮮甜。醬油漬吞拿魚，刺身片厚切，非常有口感，雖然話係醬油漬，但原全無遮蓋魚香。除左魴鮄，縞蝦都係第一次食到，平時剩係識食赤蝦。縞蝦雖然無赤蝦咁大隻，但蝦身嘅紋理好靚，脹卜卜，入口清爽、清甜。海膽肥美，有淡淡嘅海水味。連子鯛嘅油份比較少，口感不油不膩。最後值得一提係壽司飯全部手捏，完全唔鬆散，份量亦唔大，唔會飯味蓋過魚生味，每件都食到刺身嘅鮮。呢度壽司價錢算中等，
點左同樣係廚師發辦嘅“本月時令壽司併盤”($320)，眼見師傅在吧枱後開櫃、拿刀、輕切，氣定神閒地拿捏，終於完成十件壽司放在面前。😃
聽著介紹，有不少陌生嘅名字，要即刻google吓自己食咩。呢個就係廚師發辦嘅好玩之處；又神秘、又新鮮。
今日廚師推介嘅時令壽司係拖羅、醬油漬吞拿魚、魴鮄、深海池魚、鮫鰈、象拔蚌、連子鯛、銀鱈魚、縞蝦、海膽。
件件嘅顏色都靚到不得了，最鍾意係鮫鰈嘅口感。鮫鰈魚係白肉魚中被譽為高級嘅壽司食材，含有豐富嘅膠原蛋白。入口陣魚油味真係好香，咬落爽脆，食完一件，感覺有d唔夠喉。
而味道最鮮就係拖羅，脂肪有d雪花紋，魚油脂甘香濃郁，入口即溶。
魴鮄係我第一次食，肉質都幾有彈性，味鮮甜。
醬油漬吞拿魚，刺身片厚切，非常有口感，雖然話係醬油漬，但原全無遮蓋魚香。
除左魴鮄，縞蝦都係第一次食到，平時剩係識食赤蝦。縞蝦雖然無赤蝦咁大隻，但蝦身嘅紋理好靚，脹卜卜，入口清爽、清甜。
海膽肥美，有淡淡嘅海水味。
連子鯛嘅油份比較少，口感不油不膩。
最後值得一提係壽司飯全部手捏，完全唔鬆散，份量亦唔大，唔會飯味蓋過魚生味，每件都食到刺身嘅鮮。
呢度壽司價錢算中等，但呢個價錢比起喺度散叫真係抵好多，不愧係廚師推介。下次要試埋個丼期間限定二人餐先得。
張貼
