Oslo (已結業)

九龍城真係美食天堂，除左多泰國野，連呢間食西餐嘅都係超級好味😛😛煙三文魚磨菇丹麥酥外型好似薄餅，其實用左丹麥酥做包底，酥邊微焦，一咬落係脆脆地，但包身非常軟熟。面層舖滿餡料，有芝士，煙三文魚，磨菇，蛋黃醬，一擺上枱已經香味四溢，旁邊仲有青瓜，蕃茄同沙律菜，口感豐富，但又唔會覺得飽滯。超級推介❤️窩夫拼盤窩夫共三件，上面放左三球唔同口味嘅雪糕同生果，包括綠茶紅豆，士多啤梨同埋香蕉朱古力。窩夫外脆內軟，充滿蛋香，配上雪糕，非常開胃。熱水蜜桃綠茶連野飲都係高水準，唔會太甜但又帶有水蜜桃嘅香味，而且都算大杯。食完野飲杯桃茶感覺好溫暖好滿足。