影片
更多
2010-10-02
11 瀏覽
7月4日, 晏晝去灣仔行電腦商場, 出到黎已經係tea time~ 行下行下就搵到黎呢間門口有好多下午茶相片嘅狀元拉麵喇!::: 日之豬骨濃湯火腿通粉 + 牛油脆瓜粟米奄列 + 綠茶啫喱冰::: $22比呢個“日之豬骨濃湯”同埋佢個聲稱用“鮮濃意大利蕃茄汁”整既牛油脆瓜粟米奄列吸引! 個豬骨濃湯確實係令人失望… 個湯點睇都似係味精粉開出黎都算, 但佢d麻油先畫龍點精咁搞到個湯好似公仔麵湯底咁. 佢d通粉係米通粉黎嘅~ 口感滑溜亦都幾有米味, 不過就淋左少少… 配料火腿同紫菜絲都ok~聲稱用“鮮濃意大利蕃茄汁”整嘅牛油脆瓜粟米奄列就如圖一樣, 色彩鮮艷~ 但完全食唔出點解要強調個鮮濃意大利蕃茄汁… 因為佢味道真係幾淡同埋唔係特別勁茄味… 個奄列都ok~ 蛋味頗濃不過脆玉瓜又唔係好多… 反而個蒜茸牛油多士就幾好~ 夠脆d牛油又夠香!跟餐送嘅綠茶啫喱冰味道唔錯~ 不過似係道地d味! 但下底d啫喱就幾好啜~ 不錯!::: 沙嗲汁餐肉火腿煎蛋大碗飯 + 椰汁紅豆冰 ::: $25個名真係夠晒大堆頭, 好似車仔飯咁~ 黎到碗飯大碗就唔算大碗, 不過沙嗲汁就勁多, 直頭浸晒d飯~ 沙嗲汁好濃烈, 無
::: 日之豬骨濃湯火腿通粉 + 牛油脆瓜粟米奄列 + 綠茶啫喱冰::: $22
比呢個“日之豬骨濃湯”同埋佢個聲稱用“鮮濃意大利蕃茄汁”整既牛油脆瓜粟米奄列吸引! 個豬骨濃湯確實係令人失望… 個湯點睇都似係味精粉開出黎都算, 但佢d麻油先畫龍點精咁搞到個湯好似公仔麵湯底咁. 佢d通粉係米通粉黎嘅~ 口感滑溜亦都幾有米味, 不過就淋左少少… 配料火腿同紫菜絲都ok~
聲稱用“鮮濃意大利蕃茄汁”整嘅牛油脆瓜粟米奄列就如圖一樣, 色彩鮮艷~ 但完全食唔出點解要強調個鮮濃意大利蕃茄汁… 因為佢味道真係幾淡同埋唔係特別勁茄味… 個奄列都ok~ 蛋味頗濃不過脆玉瓜又唔係好多… 反而個蒜茸牛油多士就幾好~ 夠脆d牛油又夠香!
跟餐送嘅綠茶啫喱冰味道唔錯~ 不過似係道地d味! 但下底d啫喱就幾好啜~ 不錯!
::: 沙嗲汁餐肉火腿煎蛋大碗飯 + 椰汁紅豆冰 ::: $25
個名真係夠晒大堆頭, 好似車仔飯咁~ 黎到碗飯大碗就唔算大碗, 不過沙嗲汁就勁多, 直頭浸晒d飯~ 沙嗲汁好濃烈, 無論配餐肉, 火腿或者煎蛋都好帶出味道, 不過配個飯就好似漏咗d... 又加幾舊脆玉瓜加沙嗲怪怪地咁…
椰汁紅豆冰真係好椰汁, 同淡奶比較佢淡d, 不過紅豆味就會出d, 都ok嘅~
呢度d tea款式真係非常多! 想食飯麵又得三文治又得沙律西多都得真係堪稱樣樣齊~ 食物質素只係ok但勝在配搭多樣同埋幾抵食咁啦!
張貼
