彩福國宴 (已結業)

尋晚一家人到彩福吃晚飯，好彩我地6點幾早去，如果唔係都無位。一如以往，全家6人，一人叫一菜。燒腩仔，外皮鬆脆，腩肉少少肥，入口溶化，口感十足。鹵水豬腳仔，鹵水汁的花椒八角味十分香，豬腳仔亦夠入味，如果再燘淋D會更好食其它什菜煲，什菇炒雞柳，涼瓜炒蛋，水準之作，好食但不會有太大驚喜。不得不提的就是這味客家燘豬肉, 見餐牌推介這味菜是今年的炆豬肉大賽的金獎作品，於是便試一試，豬肉用的是五花腩, 有膽固純超標的媽媽開初也因為外觀太肥而不敢食，但我們全家人一致讚好下，佢都試食左少少，佢話食落去又唔會覺得好肥, 蚊得好淋，好好味。腌過的雪菜加上薑蔥蒜，十分野味，送飯食一流，連小學一年班的侄仔都要添飯。用石窩上，可以保持溫度，而且份量亦不少，好似食極都重有咁，絕對值得推介。