Mr. K Pizza N Chicken (已結業)

銅鑼灣登龍街出名多嘢食，今次同朋友就食咗呢間韓式炸雞手工pizza專門店。餐廳主打韓國菜，有特式招牌拉絲Pizza、手工薄餅、韓式炸雞、意粉及小食等。彩虹炸雞配芝士包有齊晒8款炸雞口味，泡菜蛋黃、黑糖、蜜糖芥末、甜辣、香草青檸、蒜香蜜糖、雙重芝士、BBQ香辣。中間仲有大大個芝士包，包焗到外脆内軟，食落仲有pizza嘅香味，將炸雞沾滿芝士，非常邪惡！意大利辣肉腸手工薄餅薄餅批邊食落好鬆軟煙韌，外皮帶少少脆，配上辣肉腸、蕃茄醬，仲有大量芝士，芝士多到可以拉起芝士瀑布，仲要新鮮出爐熱辣辣，香噴噴！