妹記大排檔 (已結業)

當日同幾位朋友影完畢業相之後，大家都餓，正當想去尖沙咀食沙嗲王進餐時，發現變左妹記，咁就去試人生第一次既妹記。當日去到可能比較早，去到就有位。一入到去覺得裝修幾特別幾靚，因為肚仔好餓，好快就點左人頭餸（5道），等左一陣就上齊。炸蠔餅一向都係我至愛，但呢度既炸蠔餅都令我幾失望，一夾落去就好鬆散，食落口覺得好油，蠔仔比較細同較少，但食落口有一陣咸蛋黃既香味，可能呢個就係鬆散既原因。呢個牛柳粒反而幾好味，黑椒辣辣地幾惹味，薯仔就甜甜地，送飯一流。炒通菜我就覺得略嫌多左d油，無咁多油會更好味。食唔到辣既朋友會覺得呢道餸太辣，但我就覺得辣得幾high，個虎皮尖椒唔會炒得太林。最後呢個炒蟶子，蟶子數量略為少了點，但味道不錯。於尖沙咀地段，不需要等位情況下，每人太約吃了$80的晚餐，絕對是可以接受。