茴香 (已結業)

男朋友生日，同另一位朋友一齊慶祝，就嚟食呢間新派泰國菜（我超愛泰菜！）用Openrice book咗位，朋友早到拎住蛋糕上咗去先，被告知只要一打開盒拎蛋糕出嚟影張相，都會收切餅費 所以我哋最後都係要另覓地方切蛋糕影相。而之前我亦嚟過呢到食下午茶，印象中有露天位置環境更靚，可惜餐廳今次安排唔到位俾我哋，只可以坐喺角落比較暗嘅位置講返食物，我哋叫咗三道菜：泰式冬蔭功大蝦Pizza、安格斯肉眼牛扒配Fennel酸辣汁同帶子牛油果忌廉三文魚意粉。Pizza係薄批，一上菜就聞到好香冬蔭功味，大蝦亦夠爽口。肉眼牛扒叫咗5成熟，熟度剛好。最意外嘅係個Fennel酸辣汁，酸得嚟好夠辣，夠晒開胃。意粉份量就相對較少（不過應該係因為我哋三個人分），味道中規中矩。總括嚟講，餐廳服務係有待改善，上菜速度亦都唔係好快，但食物水準係可以嘅。