原野日本料理

營業中

休息中

六點半就到左，間店一個客人都未有。以前讀書的時候都有食過原野，對原野的印象就係平民化的日本野。入到去，格局同以前一樣，只係牆上的塗鴉比以前更多煙三文魚蟹子沙律：個ｓｅｔ係朋友叫的，我只係試左ｓｅｔ入面的煙三文魚蟹子沙律跟據店方提供的熱門排行榜，煙三文魚蟹子沙律排名第十一位。份量唔少，蟹子都幾多。但食唔到有三文魚，除左蟹子，只係食到蟹柳絲同沙律醬。芝麻醬焗烏冬：熱門排行榜位居第一名。因為焗過，熱騰騰的烏冬一上枱，就香氣四溢。加上，本人都幾鍾意食芝麻醬，必食不過，其實制作成本好低，但細細份已經賣＄３０，感覺唔化算。鍚紙蒜蓉焗茄子：平時食的焗茄子都係乾身的，但原野的焗茄子係濕的。而且，蒜蓉夠多，所以好香，但幾油膩燒軟骨餃子：如果要為「油膩」呢兩個字打分數，蒜蓉焗茄子係兩分，呢個燒軟骨餃子我會比八分，食左一隻已經唔想再食。雞泡魚乾：熱門排行榜上完全冇排名，但其實香口的雞泡魚乾，係同朋友吹水時作為小食，真係唔錯。現在的原野，食物雖不如從前，但都仲算係一間抵食的日本野。