鬍鬚佬

營業中

休息中

之前喺網上見到鬍鬚佬幾抵食 見今晚有時間就去試吓啦😝😝 好耐都無寫過食評 所以今日都無特別影相 但食完之後就好想為鬍鬚佬寫篇食評😆😆 鬍鬚佬食物唔錯 環境唔錯 最重要嘅係員工態度殷勤 服務十分周到🥰🥰 而家喺香港都唔容易搵到🤧🤧因為朋友唔係好食得辣 所以就揀咗招牌椰子湯湯底🥥 我哋旨在食下肉 所以就揀咗最平嘅白羽套餐 有美國肥牛片 五花腩片 豬頸肉片同手切白羽雞肉 任食90分鐘～趁未落嘢食之前就試下個湯底😝 椰子雞湯好清甜 所以我都忍住飲咗2碗😝 套餐嘅肉類新鮮 味道唔錯！除咗肉類 仲有我最鍾意嘅前菜同小食 包括手拍青瓜 陳醋雲耳 涼拌皮蛋 炸雞 炸薯角 炸地瓜等等 每樣我都試過😋 特別係涼拌皮蛋個醬汁好惹味 忍唔住嗌多碟😝 仲有自助區供應蔬菜 菇類同丸類等等～ 雖然飲品比較小眾 但都好多元化 唔鍾意凍飲嘅話 仲有幾款花茶可以自由斟😝😝 咁好嘅服務仲要免加一 人均$168 真係好抵！！ 如果有埋雪糕/甜品就真係完美啦😝