影片
更多
2024-10-22
178 瀏覽
之前經過見到大排長龍已經心郁郁，今日趁tea time少啲啲人忍唔住食咗，即刻明白點解成日都有條龍。食物好味之餘，servers態度每一位都 非 常 之 好。入門welcoming, 點餐時推介有咩好食，臨走笑住道謝講再見。又真係幾想下次再見。 ✦ 皇牌套餐S4 鮮雞湯小雲吞12粒 + 生煎包2個 HKD54✦ 枱上面一早有警告生煎包會爆汁，只係我哋兩個都估唔到真係咁多汁 (請睇圖)。生煎包 好 好 食，個底煎成金黃色，汁好鮮好香，夾住大大舊鮮嫩肉餡。而小雲吞足料份量多，皮簿而餡仲有肉味，唔似得出面啲雪藏小雲吞。 ✦ 蟹粉小籠包 HKD80 ✦因為蟹皇生煎包賣晒，於是轉為嗌蟹粉小籠包。同樣皮簿餡靚，多汁多蟹肉，非常濃郁，物有所值。 值得一提，門口雖然寫買滿60蚊豆漿任飲，實情出面天氣熱辣辣，一坐低server已經會送定杯凍豆漿。豆漿又厚又香，飲咗三四杯飲到我都唔好意思了 (๑´ڡ`๑)
✦ 皇牌套餐S4 鮮雞湯小雲吞12粒 + 生煎包2個 HKD54✦
枱上面一早有警告生煎包會爆汁，只係我哋兩個都估唔到真係咁多汁 (請睇圖)。生煎包 好 好 食，個底煎成金黃色，汁好鮮好香，夾住大大舊鮮嫩肉餡。而小雲吞足料份量多，皮簿而餡仲有肉味，唔似得出面啲雪藏小雲吞。
✦ 蟹粉小籠包 HKD80 ✦
因為蟹皇生煎包賣晒，於是轉為嗌蟹粉小籠包。同樣皮簿餡靚，多汁多蟹肉，非常濃郁，物有所值。
值得一提，門口雖然寫買滿60蚊豆漿任飲，實情出面天氣熱辣辣，一坐低server已經會送定杯凍豆漿。豆漿又厚又香，飲咗三四杯飲到我都唔好意思了 (๑´ڡ`๑)
張貼
