影片
更多
2008-03-07
2 瀏覽
三個嚐甜人士，又相約食甜品當正餐。正因HSBC在Igor's Group旗下有7折優惠，又去老地方Elements的Stormies，去到時只得bar，大家傾計時唔舒服，索性轉去下樓的Wildfire。去到空無一人，座位任揀，當然揀了最舒服的位置，一邊享受美食、一邊傾過暢快。由於我們主打甜品，所以主菜不敢多叫。原先是要雞肉意大利雲吞，最後上蟹肉芝士忌廉意粉，正打算換之際，傳來朕朕芝士忌廉香，立即打消念頭。原來色、香、味缺了其一，入口味道好淡，我要另加黑胡椒才帶出味來。一個直徑十吋的蘑菇風乾火腿薄餅，雖然餅底薄薄，但整個底是腍的，只有近周邊的位置才有少許脆口。BBQ豬肋骨-侍應哥哥又話有6條，原來只得5大條肋骨，香濃惹味，又不太肥膩，就連配菜的青椒、薯仔粒、紅蘿蔔粒也好食。其實吃了以上主菜，我已經有8成飽，但仍然抵不住甜品的威力。甜品餐牌上，有款6甜品，我們6選3。先食較淡味的焗蜜糖檸檬批，裝飾豐富，淡淡的蜜糖雪榚與清新的檸檬批好匹配，再加上甜甜的脆餅，有齊脆、軟、滑三種口感。意式芝士餅-是朱古力雪芭配以芝士餅，芝士餅質地較腍及濕，似是日式芝士蛋糕，所以芝士味會較淡，大家都對這個失望。朱
去到空無一人，座位任揀，當然揀了最舒服的位置，一邊享受美食、一邊傾過暢快。
由於我們主打甜品，所以主菜不敢多叫。原先是要雞肉意大利雲吞，最後上蟹肉芝士忌廉意粉，正打算換之際，傳來朕朕芝士忌廉香，立即打消念頭。原來色、香、味缺了其一，入口味道好淡，我要另加黑胡椒才帶出味來。
一個直徑十吋的蘑菇風乾火腿薄餅，雖然餅底薄薄，但整個底是腍的，只有近周邊的位置才有少許脆口。
BBQ豬肋骨-侍應哥哥又話有6條，原來只得5大條肋骨，香濃惹味，又不太肥膩，就連配菜的青椒、薯仔粒、紅蘿蔔粒也好食。
其實吃了以上主菜，我已經有8成飽，但仍然抵不住甜品的威力。
甜品餐牌上，有款6甜品，我們6選3。先食較淡味的焗蜜糖檸檬批，裝飾豐富，淡淡的蜜糖雪榚與清新的檸檬批好匹配，再加上甜甜的脆餅，有齊脆、軟、滑三種口感。
意式芝士餅-是朱古力雪芭配以芝士餅，芝士餅質地較腍及濕，似是日式芝士蛋糕，所以芝士味會較淡，大家都對這個失望。
朱古力香蕉撻-質地有點似心太軟，黑朱古力味濃烈，但味道偏甜，可能師傅怕客人嫌苦，所以加重糖份中和朱古力的苦？
其實3個甜品未能滿足我們，後來有位靚仔哥哥，推紹焦糖拖肥布甸，再三吩咐一定要連雪榚一齊食，味道才突出。果然無介紹錯，4款甜品中以這個最好，暖暖的布甸與雪榚又是最佳配搭。濕潤鬆軟的布甸吸收了焦糖及拖肥，兩者甜而不膩。
大家都好滿足，本來再想繼續挑戰三球雪榚，但大家已投降。唯有期待下次甜品會的來臨。
張貼
