羅麥記 (奧海城2期) (已結業)

下午準備帶阿仔去玩具反斗城放電,  路經羅麥記又見到冇咩人排隊, 於是就一家三口入去食過午餐先。 叫左個雞絲米俾阿仔食, 老婆就點左個肥牛炒烏冬, 我自己就點左個魚旦粉。上餐速度還算可以, 15分鐘就上齊餐。不過非常奇怪係我問WAITER 要醋, 居然回答我沒有醋。作為提供湯粉面既餐廳係完全不能接受。ANYWAY 魚旦粉還算可以, 起馬叫唔難食, 但同傳統粉面餐廳仍有好大既距離。偷食左老婆幾啾炒烏冬, 略嫌太多酒, 當然亦理解炒烏冬係肯定多油既。 3個人食左182蚊, 平均每人62蚊, 作為係奧海城既餐廳又坐得舒服黎講, 都尚算係唔錯既選擇。