當下 (翠怡花園) (已結業)

三人行青衣搵食，難得有間非連鎖餐廳出現，環境又chill chill地，就比個機會佢。Order咗一個deluxe餐要豬手（$298），同一個二人餐要炭烤豬扒同海鮮農夫包（$398）。所有餐都有湯，沙律，甜品同飲品，二人餐仲有個小食，係洋蔥圈。落單個老闆娘（我估係）勁多口水，個個菜都話係最受歡迎果，話我地好眼光。好快就開始上菜，首先沙律、小食同湯正常，之後重點來喇。先上豬手，買相ok啦份量都幾大。開始切就出問題喇，認真切到手痛，皮勁硬肉勁多筋，完全不能分解。炭烤豬扒仲伏，肉勁韌都算喇，有半塊扒係肥膏，可見食材質素真係好差。個農夫包係三個主菜裡面比較合理嘅一個。要講唯一可取嘅地方係佢啲主菜全部都跟大量薯角/薯菜，所以實食得飽。最後甜品係一球雪糕。一句講晒，唔明啲好評點來，完全失望，可能係我唔好彩，不過我一定唔會再來。