LA Restaurant & Dessert Bar (已結業)

酥皮周打蜆湯，個外層做得好好！夠熱夠香脆，牛油味幾香，入面既湯頭好滋味，蜆肉既鮮味好正。鵝肝多士，夠厚切。唔會得細細塊！鵝肝外面煎到金黃！內層綿綿好滑，配上香脆多士，極好口感！雙重芝士松蟹肉大啡菇，好重松露香，菇味又濃郁，再配上芝士幾邪惡！焗芝士虎蝦墨汁意大利飯，味道唔會過膩，有越食越想食既感覺！芝士虎蝦煎得幾好，仲 keep到爽彈 juicy, 份量都好大份。澳洲穀飼西冷扒，煎得唔錯keep到嫩嫩感，好有牛味，配上汁醬更提升味道！Cookie black, 幾香既咖啡 cookie沙冰，回甘味幾爽！大大杯好夠飲。焦糖燉蛋，燉蛋唔過甜好正，表面焦糖燒到香脆，幾欣賞唔會太甜！