影片
更多
2021-03-29
882 瀏覽
真的很久沒有吃燒肉放題了，為了滿足屋企男人既食肉願望，係佢放工附近搵咗一間可以食放題嘅舖頭同佢食夜晚飯。呢間韓式燒烤店，主要供應多款牛肉，其餘嘅雞肉豬肉都有，但係款式大路。佢冇坊間年輕人鍾意嘅爐邊蛋， 不過就有各式各樣嘅熟食提供，而且每份嘅份量都唔少，亦唔兒戲。熟食落單後好快就出場，炸醬麵，韓式炒粉絲，都好夠味道，亦都有韓國家庭式飯店嘅水準，不過大醬湯就比較簡單，如果湯料可以豐富點就好。前菜有菠菜芽菜泡菜，每次一小碟，不過都好快俾我哋食晒，所有嘅配菜都係可以無限量供應。雪櫃汽水係可以任飲，不過就冇免費嘅韓國飲品提供，有韓國啤酒不過要加錢。燒肉陸續出場，基本上除咗牛仔骨係有醃醬之外，其他都係無添加，男人好鍾意咁樣，因為可以原汁原味，坊間好多燒肉店都將醬料遮蓋晒燒肉本身嘅味道。廚房出燒肉，我諗都係落單先切，因為都等咗少少時間先出到嚟，但係就咁望落牛肉質素都唔差。比較推薦各樣牛肉，同埋五花腩肉，我哋食完一個回合都再落多一回。店內嘅職員大多數係姨姨，我哋燒咗一輪之後，佢哋都主動幫我哋換塊新既燒肉盤。菜單上面嘅炸雞炸魷魚係即叫即炸，出到嚟仲係熱辣辣，超級香脆，食到男人舔舔脷，如果佢可以送埋炸雞醬
真的很久沒有吃燒肉放題了，為了滿足屋企男人既食肉願望，係佢放工附近搵咗一間可以食放題嘅舖頭同佢食夜晚飯。
呢間韓式燒烤店，主要供應多款牛肉，其餘嘅雞肉豬肉都有，但係款式大路。佢冇坊間年輕人鍾意嘅爐邊蛋， 不過就有各式各樣嘅熟食提供，而且每份嘅份量都唔少，亦唔兒戲。
熟食落單後好快就出場，炸醬麵，韓式炒粉絲，都好夠味道，亦都有韓國家庭式飯店嘅水準，不過大醬湯就比較簡單，如果湯料可以豐富點就好。
前菜有菠菜芽菜泡菜，每次一小碟，不過都好快俾我哋食晒，所有嘅配菜都係可以無限量供應。
雪櫃汽水係可以任飲，不過就冇免費嘅韓國飲品提供，有韓國啤酒不過要加錢。
燒肉陸續出場，基本上除咗牛仔骨係有醃醬之外，其他都係無添加，男人好鍾意咁樣，因為可以原汁原味，坊間好多燒肉店都將醬料遮蓋晒燒肉本身嘅味道。廚房出燒肉，我諗都係落單先切，因為都等咗少少時間先出到嚟，但係就咁望落牛肉質素都唔差。比較推薦各樣牛肉，同埋五花腩肉，我哋食完一個回合都再落多一回。
店內嘅職員大多數係姨姨，我哋燒咗一輪之後，佢哋都主動幫我哋換塊新既燒肉盤。
菜單上面嘅炸雞炸魷魚係即叫即炸，出到嚟仲係熱辣辣，超級香脆，食到男人舔舔脷，如果佢可以送埋炸雞醬就好喇。
張貼
