影片
更多
2007-08-06
13 瀏覽
星期五(八月三日) 同朋友去o左會展六樓食Buffet, 因為之先食過(都一年前), 覺得食物質素好好及種類多元化, 所以再去食多一次. 可惜, 呢次真係令各人都好失望, 水準同上一次幫襯簡直就有天壤之別, 所以寫出來與大家分享. 首先, (不過都係自己無問清楚) 原來佢地而家做緊"日本節", 所以本人最喜愛食的生蠔沒有供應, 雖然都好失望, 但見到有長腳蟹, 蜆, 青口, 凍蟹, 諗諗都ok. 點知.. d蜆..雖然好大隻, 但隻隻有沙, 食落"拍拍"聲, 好難食. 長腳蟹d腳條條大大隻, 都幾靚, 但食落就好鹹. 冷盤之中, 凍蟹可能係最好, 有d有好多膏, 都幾好味. 但有d就一d膏都無, 真係手快有, 手慢無啦.話明係日本節, 應該都會有好多日本食品, 但就唔係好覺o羅, 同普通國際自助餐無什分別, 亦未見出色. 首先講壽司, d飯好粗糙, 一d都唔軟綿, 直頭可以講係"粗鞋". 其次係魚生, 嘩.. 個師傅將d魚生用手拿上黎(有手套), 放係你個碟到, 完全無賣相可言, 好攞命. 另外, 有d鐵板燒, 例如: 牛肉卷. 燒長腳蟹, 都好鹹!! 輪到甜品, 就更加令人失
首先, (不過都係自己無問清楚) 原來佢地而家做緊"日本節", 所以本人最喜愛食的生蠔沒有供應, 雖然都好失望, 但見到有長腳蟹, 蜆, 青口, 凍蟹, 諗諗都ok. 點知.. d蜆..雖然好大隻, 但隻隻有沙, 食落"拍拍"聲, 好難食. 長腳蟹d腳條條大大隻, 都幾靚, 但食落就好鹹. 冷盤之中, 凍蟹可能係最好, 有d有好多膏, 都幾好味. 但有d就一d膏都無, 真係手快有, 手慢無啦.
話明係日本節, 應該都會有好多日本食品, 但就唔係好覺o羅, 同普通國際自助餐無什分別, 亦未見出色. 首先講壽司, d飯好粗糙, 一d都唔軟綿, 直頭可以講係"粗鞋". 其次係魚生, 嘩.. 個師傅將d魚生用手拿上黎(有手套), 放係你個碟到, 完全無賣相可言, 好攞命. 另外, 有d鐵板燒, 例如: 牛肉卷. 燒長腳蟹, 都好鹹!!
輪到甜品, 就更加令人失望. 那個士多卑利噴泉, 只有綿花糖供應, 整完d士多卑利汁都無黏住d綿花糖, 全部流落個碟到. 其次, 亦無供應大眾期望的"梳呼里", 境然轉了什麼"叮噹朱古力夾餅".. 心想..食夾餅都無須要到高級餐廳吧. 其餘還有些日式甜品, 如金泊芝麻糕, 籚薈甜品... 等等, 平平無奇, 真係令我同朋友大失所望.
好味的食物, 我諗都只有印度師傅整的食物, 都幾好味. 其次, 佢地既環境同服務都幾好, 這些都值得一讚. 但如果你說以HKD 350 食服務同環境就一點都唔值啦. 希望佢地真係要檢討一下.
張貼