和牛燒肉一郎 (寶漢大廈) (已結業)

朋友介紹的試下呢間燒肉放題，人大左都少左食放題。但見到佢有一份比較高質的肉，雖然是定量，但貴精不貴多。當晚點左既係 course D 包左四款黑毛和牛海鮮，每位係一頭盤會有一客原塊日本A4和牛，同海鮮拼盤，有原隻魷魚，大蝦和青口。另外仲有一盤4款既黑毛和牛。肉質相當高級，雪花紋理漂亮。呢到係一次性定量的。店員會過反幫手燒A4和牛，要以防我地燒壞左塊靚肉。食完定量既部分，仲可以任食特選生牛 (AUS)12 款•特選牛(US)12 款•精選牛(US)3 款•牛肉刺身、生牛肉壽司、名物、日本豚、雞肉、海鮮 、野菜 ，等等。好多熟食，海鮮，同肉類可以點的。個人比較喜歡食日式小食，包括佢既炸蝦，廣島蠔，明太子薯仔沙律，同雞泡魚干。海鮮好新鮮元貝大大粒，牛油開邊蝦爽口彈牙。醬漬牛隔膜帶有醃料十分香口，肉質軟熟。另外飲品都有好多選擇，餐廳調製多款美人茶，用咗唔同嘅蔬果配搭，達致不同養生效果。最後甜品就有好多款唔同嘅日本牌子雪糕多數喺明治同埋井村屋。五放題嚟講$480左右食到高質A4、黑毛和牛同埋好多新鮮嘅海鮮小食。認真抵。