影片
更多
2014-09-23
2226 瀏覽
9月17日約左朋友食生日飯, 因為朋友係景樂集團的會員,所以佢想嚟食呢間上海菜館, 本來是打算去觀塘的, 但係裝修, 於是就揀左呢間分店啦. 我們有七個人, 朋友有一張COUPON係送醉雞一客的, 另外其實有一枝紅酒的, 不過朋友沒有帶那COUPON. 餐廳環境都OK, 都算大的, 先叫茶, 我見食評有人話八寶茶幾好,所以試下,我唔知八寶係邊八寶, 只係見到有杞子,其它的都好黑,睇唔清楚,味道都OK,唔算好出及好濃味.我們都叫左好多嘢食, 有一客醉雞,燻魚,醉豬手,肴肉,五柳魚,回鍋肉配農夫麵包,腌篤鮮,鮮什菌小唐菜.片皮鴨一隻.醉雞都好入味,唔算細份,雞肉都滑及重酒味,好食,醉豬手我就覺得唔太夠淋身,硬左少少,肴肉係茶色的,幾特別, 不過唔知茶色係咩做的呀. 腌篤鮮原來係一個咸肉湯,但唔係太鮮味,唔係太出色,只是普通呀. 回鍋肉都幾惹味的.我們差唔多食晒D餸, 但係集片皮鴨仲未嚟, 就諗住追仕應跟進, 大家在傾計的時候, 一位女仕應突然走過嚟叫我地俾張VIP咭, 話幫我地埋單, 大家百思不得其解, 後尾我同仕應講還有一隻片皮鴨未嚟, 我地點會埋單, 之後過一陣那仕應走回來說係呀, 我
9月17日約左朋友食生日飯, 因為朋友係景樂集團的會員,所以佢想嚟食呢間上海菜館, 本來是打算去觀塘的, 但係裝修, 於是就揀左呢間分店啦. 我們有七個人, 朋友有一張COUPON係送醉雞一客的, 另外其實有一枝紅酒的, 不過朋友沒有帶那COUPON. 餐廳環境都OK, 都算大的, 先叫茶, 我見食評有人話八寶茶幾好,所以試下,我唔知八寶係邊八寶, 只係見到有杞子,其它的都好黑,睇唔清楚,味道都OK,唔算好出及好濃味.
我們都叫左好多嘢食, 有一客醉雞,燻魚,醉豬手,肴肉,五柳魚,回鍋肉配農夫麵包,腌篤鮮,鮮什菌小唐菜.片皮鴨一隻.
醉雞都好入味,唔算細份,雞肉都滑及重酒味,好食,醉豬手我就覺得唔太夠淋身,硬左少少,肴肉係茶色的,幾特別, 不過唔知茶色係咩做的呀. 腌篤鮮原來係一個咸肉湯,但唔係太鮮味,唔係太出色,只是普通呀. 回鍋肉都幾惹味的.
我們差唔多食晒D餸, 但係集片皮鴨仲未嚟, 就諗住追仕應跟進, 大家在傾計的時候, 一位女仕應突然走過嚟叫我地俾張VIP咭, 話幫我地埋單, 大家百思不得其解, 後尾我同仕應講還有一隻片皮鴨未嚟, 我地點會埋單, 之後過一陣那仕應走回來說係呀, 我想話你們隻鴨嚟緊...完全九唔撘八.
隻片皮鴨有兩籠粉皮的, 隻鴨唔算好大隻, 但都幾好味,唔會好肥. 今次真的食飽晒啦, 諗住上埋個蛋糕就可以走啦. 同一個男仕應講叫佢上蛋糕, 之後一直在等...等了十幾分鐘都未嚟...再問那男仕應...佢話同事整緊, 好奇怪, 要整咩呢? 只係放支蠟燭上去就得啦, 之後見到之前那女仕應攞住我們的蛋糕走過, 但放係另一張枱度, 之後消失了...我再追另一個女仕應, 她又叫番那個消失了的女仕應去跟, 人地係幫另一張枱埋緊單, 我們還看到在另一邊有四五個仕應在傾計,但全程只有那一位女仕應在做嘢...又過左一陣蛋糕終於嚟啦, 跟住要播生日歌,中文及普通話版本, 原來一直在等播歌? 莫明奇妙的安排.
還未食蛋糕, 已經叫我們埋單, 話LAST ORDER, 其實等這個蛋糕等了半小時, 唔知以為佢地放係另一個倉度要坐車去攞.
食物再好, 沒有好的服務都是徒然.
張貼
