風月堂 (已結業)

行MK行到攰搵個地方三點三下午茶是常識吧~但話說MK下午茶除左CAFÉ 之外重有咩好地方呢? 俾我發現左風月堂嘿嘿~其實本身係門口睇佢好似D比較貴既餐廳咁, 但其實又唔係WOR。一入到去個感覺同門口既一樣, 白色既設計令到整個感覺好放鬆, 抖一抖真係唔錯。野食方面我叫左個炸軟殼蟹意粉, 咁尼, 係就係軟殼, 成隻都食到, 但真係軟過頭, 唔似岩岩炸, 真係唔多脆。味道尼, 就唔差既, 但口感就真係差D。隨餐附送一件蛋糕仔, 幾得意。窩夫方面我因為已經好飽既關係, 就HEAHEA地叫左個朱古力味算。但其實佢既選擇好多, 有好多唔同生果同唔同既雪糕做出幾十種唔同既窩夫, 如果有心想去食窩夫真係揀死你。我唔知佢地窩夫係咪即整, 但真係脆同暖, 窩夫底有少少焦, 感覺更香更好食, 雪糕既話幾軟, 真係做到同窩夫既配搭, 最後再加上一杯下午茶必要既紅茶, 成件事就變得好滿足呵呵。