頭啖湯私家廚 (已結業)

今晚一家人 (共 9 人) 0黎到頭啖湯做冬食飯, 雖然平時都有同屋企人食開呢間, 呢度0既首選就係佢地0既住家老火湯同炖湯外, 今晚仲有一連串驚喜 推介 (一) **富貴香酥魚**雖然我是怕魚之人, 但見到呢味餸0既賣相, 就已經吸引我提起筷子試0左一舊, 成條魚起肉, 一部份係炸, 一部份係清炒, 下面仲有新鮮西蘭花鋪底, 味道唔腥, 仲好有鮮味, 心思絕對講究. 聽廚房師傅講, 呢個餸做法工夫多, 因此建議客人提前預訂 (因為我姨媽一早預訂, 我先有機會嚐試一下. 推介 (二) **東江鹽焗雞**成隻雞大小適中, 味道絕對夠咸味, 但絕無硬蓋雞0既鮮味, 上檯時仲熱辣辣, 正! 推介 (三) **鎮江骨**酸酸味味, 非常開胃, 肉質夠冧, 一入口咬, 肉已自動離骨 推介 (四) **薑蔥炒蟹**雖然專賣特式私房住家菜, 但客人亦可託店預訂即日新鮮海鮮, 之前本人試過聖子皇, 值得推介 今次呢個薑蔥炒蟹火喉十足, 蟹夠新鮮飯後仲有生果贈送, 為當晚晚飯畫上完美句號!!!