燃 (已結業)

中午12:30入座。叫了兩個定食，食到一半，職員問可唔可以轉位，雖然有啲麻煩，我哋都冇所謂。我哋都係照正常速度進食，一食完就有職員過嚟問係咪可以收啦。諗住飲埋杯水用一用手機， 5分鐘唔夠，跟住又有另外一個職員過嚟，請問你哋幾時走要坐多幾耐。大佬呀！我用餐時間45分鐘都唔夠，我亦都冇諗住喺度阻你時間咗你位置，但係唔係都可以俾我飲埋杯水唔使急到咁呢。係咪熟客就好啲招呼，本身想再嚟幫襯，即使啲嘢食味道都唔錯，都對呢間餐廳好失望。