Tango Argentinian Steak House (已結業)

經過成個星期忙碌工作，週末一定要出街食飯輕鬆一下。原本㨂左幾間餐廳，男朋友突然話想食牛扒，佢話佢朋友去過中環嘅阿根廷扒房Tango很不錯，於是我地今晚就去試下呢間餐廳。餐廳環境很有特色，用上左磚紅色磚設計同掛了好多Tango 舞蹈嘅掛畫未點菜已經送上新鮮焗的麵包。麵包非常鬆軟，再配點橄欖油，好吃！不能吃太多麵包要留肚吃牛扒！男朋友對牛扒要求很高，店員介紹不同部份應該用什麼烹調方法最好味，最後挑了一件肉眼扒和西冷牛扒五成熟，會以芝加哥烹調法。另外，點了一份蒜味薯條及一份忌廉粟米做配菜。肉眼扒和西冷牛扒：五成熟剛剛好！外面焦香內𥚃粉紅肉嫩多汁。不錯👍🏻男朋友喜歡肉眼扒而却我比較喜歡西冷牛扒。至於蒜味薯條香脆可口！忌廉粟米混合了青椒和忌廉一起烹煮，味道非常好吃！價錢不貴又好味道！下次會再來食飯！