Domon 札幌拉麵 (已結業)

夜晚十點鐘落堂後行多兩步來到食肆林立的紅磡灣黃埔區，由於晚飯仍未開始，所以隨機入了一間拉麵店做食客。麵店本身在香港有幾間分店，以荃灣區的較為出名，可能紅磡不是購物區，餐牌上可選擇的少之有少，拉麵的話只有六款可揀，飲品基本上都是得汽水，我們最後選擇飲水。小食魷魚鮮蝦卷($28)先到，炸得香脆，卷身亦金黃色，一碟八件，$28蚊的價錢是抵試，味道亦好好，配沙律芥末醬享受更佳。拉麵反而失色，分別叫了北海道牛油拉麵($58)及豬軟骨拉麵($68)。牛油拉麵的湯底突出不到牛油的味道，變相失去了牛油的意義，而且叉燒得一塊，似乎孤寒了點。豬軟骨拉麵反面是沾麵的一種，湯汁不算鹹，半隻糖心蛋賣相尚吸引，豬軟骨幾大舊，食得幾飽。麵店的侍應服務態度好好，雖然食物麻麻，但都食得開心。