影片
更多
2018-04-15
539 瀏覽
因為黃昏要過水天圍拎野, 所以決定過黎元朗搵食. 之前都想試下呢間, 泊好車後, 我地就慢慢行過黎. 不過職員話我地要起碼等到7:15PM先有枱...但我地都係想試既, 所以就喺外面hea下hea到夠鐘. 間舖其實好細, 唔多枱, 職員都話歡迎訂枱既... 大約等左一陣, 見到有客人離開, 之後就安排我地入座, 因為我地要三個位, 不過職員話可能有其他客人等枱的話, 我地稍為要讓俾人坐住先, 到其他客人入座後, 可以俾返個座位我地! 我地當然唔介意啦! 難得佢地咁為客人著想. 不過最終都係冇人坐既, 之後職員都幫我地拍返枱~~之後我地就點餐了. 我地點左兩個定食!吉列野菜餅+ 吉列免治雞肉餅定食佢俾埋一壺豬扒醬汁俾我地淋上吉列扒上面呢個蘿蔔菇湯好清甜好好飲, 入面仲有好多配料可以食野菜餅其實係薯餅, 但薯蓉顏得好滑好溶, 外層又好鬆脆而免治雞肉較少食到, 不過呢塊雞肉餅又係好好味, 因為真係剁得D肉好爛好勻, 再拎埋炸完, 同樣做到外脆內軟的效果, 仔仔都好鐘意食!!親子丼定食又係為左阿仔~~湯同上面既一樣, 唔重覆介紹, 而呢個有三小碟前菜分別係: 秋葵, 炸蟹餅, 同北寄貝沙律其實
之後我地就點餐了. 我地點左兩個定食!
吉列野菜餅+ 吉列免治雞肉餅定食
佢俾埋一壺豬扒醬汁俾我地淋上吉列扒上面
呢個蘿蔔菇湯好清甜好好飲, 入面仲有好多配料可以食
野菜餅其實係薯餅, 但薯蓉顏得好滑好溶, 外層又好鬆脆
而免治雞肉較少食到, 不過呢塊雞肉餅又係好好味, 因為真係剁得D肉好爛好勻, 再拎埋炸完, 同樣做到外脆內軟的效果, 仔仔都好鐘意食!!
親子丼定食
又係為左阿仔~~
湯同上面既一樣, 唔重覆介紹,
而呢個有三小碟前菜分別係: 秋葵, 炸蟹餅, 同北寄貝沙律
其實本身我麻麻秋葵, 不過老公話好食, 咁我試一舊啦, 頭幾口都仲可以, 不過之後D滑山山既口感就出黎喇...
炸蟹餅好好味, 因為有蟹肉忌廉, 外面又係炸得好脆口, 好味
而我係第一次食北寄貝沙律, 師傅將D北寄貝切粒, 之後混入沙律醬同其他配料一齊, 原來好有口感架. 呢個沙律我好欣賞.
而個滑蛋雞脾肉飯, 仔仔超級鐘意食, 因為味道甜甜, 滑蛋漿混入D飯入面又好好味, 加埋D雞脾肉煮得好腍, 所以比平時佢食得更多.
老公都話, 下次要再試其他菜式!!!
張貼
